బేఏరియా లో ఉల్లాసంగా.. ఉత్సాహంగా `మాయా బ‌జార్‌-2023′!

వేస‌వి కాలం వ‌చ్చిందంటే చాలు.. విద్యార్థుల‌కు సెల‌వులు.

దీంతో వారితో క‌లిసి కుటుంబాలు సంతో షంగా గ‌డుపుతుంటాయి.

అగ్ర‌రాజ్యం అమెరికాలో అసోసియేషన్ ఆఫ్ ఇండో అమెరికన్స్ “AIA” ఆధ్వ‌ర్యంలో నిర్వ‌హించిన మాయా బజార్ 2023 వేస‌వి ఉత్స‌వం ఉల్లాసంగా ఉత్సాహంగా సాగింది.

AIA నిర్వ‌హణ‌లో మొదటిసారిగా నిర్వహించిన ఈ మాయాబ‌జార్ అంద‌రినీ ఎంతో ఆక‌ట్టుకుంది.

మాయా బజార్ రిఫ్రెష్‌గా మనోహరంగా కొన‌సాగింద‌ని ఆహూతులు సంతోషం వ్య‌క్తం చేశారు

చిన్నారుల ఆట‌పాట‌లు.. మ్యూజిక్ తో కార్య‌క్ర‌మం ఆసాంతం వినోదభరితంగా సాగింది.

సిటీ ఆఫ్ శాన్ రామన్ ఈవెంట్ పార్టనర్, బోలీ 92.3 FM స‌హ స‌హ‌కారంతో మాయా బ‌జార్ 2023ను నిర్వ‌హించారు.

దీనిలో భాగంగా అతిపెద్ద హస్తకళా ప్రదర్శన “క్రాఫ్ట్స్ బజార్‌“ ఏర్పాటు చేశారు. దీనికి కాన్సులేట్ జనరల్ ఆఫ్ ఇండియా డాక్టర్ T.V నాగేంద్ర ప్రసాద్ సహకారం అందించారు.

భారతదేశంలోని 20+ కంటే ఎక్కువ రాష్ట్రాలు, తమ సంస్కృతి, సంప్ర‌దాయాల‌కు ప్రత్యేకమైన తమ కళారూపాలను దీనిలో ప్రదర్శించాయి.

ఈ ఈవెంట్‌కు గ్రాండ్ స్పాన్సర్ సంజీవ్ గుప్తా CPA, రియల్టర్ నాగరాజ్ అన్నయ్య అందించారు.

ఇతర స్పాన్సర్‌లలో ఎన్‌బిసి బేఏరియా, ఐసిఐసిఐ బ్యాంక్, ట్రావెలోపాడ్ స‌హ‌క‌రించాయి.

కార్యక్రమం ఉదయం 11 గంటలకు ప్రారంభమై సాయంత్రం 7 గంటల వరకు ఎంతో ఆహ్లాద భ‌రిత వాతావ‌ర‌ణంలో సాగింది.

భారతీయ సాంస్కృతిక, కళారూపాలను ప్రదర్శించడం, ప్రచారం చేయడం మాయాబజార్ కార్య‌క్ర‌మం ప్ర‌ధాన థీమ్‌.

చోటా భీమ్ వంటి ప్రత్యక్ష పాత్రలు ప్రేక్షకులతో కలిసిపోయి.. చిన్నారుల‌తో ఆడి పాడుతూ.. కార్య‌క్ర‌మా నికి హైలెట్‌గా నిలిచాయి.

పిల్లల కోసం అనేక కార్నివాల్ గేమ్‌లు నిర్వ‌హించారు.

జంగిల్ బుక్ (జిఫ్ఫీ పెంపుడు జంతువులు), వాటర్ రోలర్‌లు, VR గేమ్‌లు పిల్లలతో రన్ అవే హిట్‌గా నిలిచాయి.

వీటికి తోడు `మాయాబజార్ ఎక్స్‌ప్రెస్` రైలు అంద‌రినీ విశేషంగా ఆక‌ట్టుకుంది.

మాయాబ‌జార్‌-2023లో సాంస్కృతిక కార్యక్రమాలు ఘనంగా జరిగాయి.

కూచిపూడి, భరతనాట్యం, కథక్ శాస్త్రీయ నృత్యాలు, ఫుట్ ట్యాపింగ్ బాలీవుడ్, టాలీవుడ్ నృత్యాలు ప్రేక్షకులను బాగా అలరించాయి. AIA/BATA, EBK సంగీత

బృందాలకు చెందిన గాయకులు సూపర్ హిట్ పాటలను ఆల‌పించారు.

మదర్స్ డే సందర్భంగా ప్రత్యేకంగా “అమ్మ & నేను” ఫ్యాషన్ షో నిర్వహించారు.

మిర్చ్ మసాలా – ఫుడ్ ఫెస్టివల్ విశిష్టమైన ప్రెజెంటేషన్‌తో వివిధ రుచికరమైన వంటకాలను చ‌వులూరించింది.

మాయాబజార్ లో 75 మంది విక్రేతలు ఈవెంట్ స్పాన్సర్‌లు, దుస్తులు, నగలు, దంత వైద్యులు, మెహందీ, రియల్ ఎస్టేట్, పాఠశాల విద్య‌ తర్వాత, IT శిక్షణ, ఆరోగ్య

సేవలు, సంగీత పాఠశాలలు పాటశాల “తెలుగు పాఠశాలలో విస్తరించి ఉన్న బూత్‌లను ప్రదర్శించారు.

తానా (తెలుగు అసోసియేషన్ ఆఫ్ నార్త్ అమెరికా) – బోన్ మ్యారో డ్రైవ్ నిర్వహించింది.

AIA బృందం భారత కాన్సుల్ జనరల్ (SFO) Dr.TV నాగేంద్ర ప్రసాద్ ను ఘ‌నంగా స‌త్క‌రించింది.

అదేవిధంగా ఇతర ప్రముఖులు కాంగ్రెస్‌మన్ ఎరిక్ స్వాల్‌వెల్ (CA-14) మల్లోరీ డి లారో కార్యాలయం జిల్లా చీఫ్ ఆఫ్ స్టాఫ్, తిమోతీ గ్రేసన్, అసెంబ్లీ సభ్యుడు 15వ అసెంబ్లీ జిల్లా, కరిష్మా ఖత్రి (జిల్లా డైరెక్టర్, అసెంబ్లీ సభ్యుడు లిజ్ ఒర్టెగా కార్యాలయం), డెంటన్ కార్ల్‌సన్ (చీఫ్ ఆఫ్ పోలీస్, శాన్ రామన్ పోలీస్ డిపార్ట్‌మెంట్), జువాన్ గొంజాలెజ్ III, శాన్ లియాండ్రో మేయర్, శ్రీధర్ వెరోస్ (వైస్ మేయర్, శాన్ రామన్ నగరం) , రెనీ S. మోర్గాన్ (మేయర్-డాన్‌విల్లే), జీన్ జోసీ (కౌన్సిల్‌మెంబర్ సిటీ ఆఫ్ డబ్లిన్ ), బ్రయాన్ అజెవెడో (శాన్ లియాండ్రో వైస్ మేయర్) రాజ్ చాహల్ (శాంటా క్లారా వైస్ మేయర్), డయానా బెక్టన్ (కాంట్రా కోస్టా కౌంటీ డిస్ట్రిక్ట్ అటార్నీ), కాండేస్ అండర్సన్ (కాంట్రా కోస్టా కౌంటీ సూపర్‌వైజర్), అను నక్కా (మిల్పిటాస్ యూనిఫైడ్ స్కూల్ డిస్ట్రిక్ట్), కెవిన్ విల్క్ (కౌన్సిల్‌మెంబర్, వాల్‌నట్ క్రీక్) త‌దిత‌రుల‌ను కూడా స‌త్క‌రించారు.

మాయాబ‌జార్ నిర్వ‌హ‌ణ‌లో చేయిచేయి క‌లిపింది..

అమెరికన్ ఆర్గనైజేషన్ ఫర్ డెవలప్‌మెంట్ ఆఫ్ బీహార్ (AODB)

ఆశాజ్యోతి సంస్థ అమెరికా రాజస్థాన్ అసోసియేషన్ (బే ఏరియా)

అగస్త్య USA బీహార్ ఫౌండేషన్ (USA – కాలిఫోర్నియా బ్రాంచ్)

BATA – బే ఏరియా తెలుగు అసోసియేషన్

BATM – బే ఏరియా తమిళ్ మన్రం

బే మలయాళీ

బీహార్ అసోసియేషన్

బ్రహ్మ కుమారీలు

బేఏరియా దేశీ గార్డెన్ ఎంథస్ (బ్యాడ్జ్)

డాన్స్ కరిష్మా

ఈస్ట్‌బే కరోకే (EBK)