హిందీ సూపర్ హిట్ వెబ్ సిరీస్ లస్ట్ స్టోరీస్ త్వరలో తెలుగులోను మనం చూడబోతున్నాం. 190 కి పైగా దేశాలలో విస్తరించిన నెట్‌ఫ్లిక్స్ తెలుగులో ప్రవేశించిన సంగతి తెలిసిందే. మొట్టమొదటి తెలుగు ఒరిజినల్ సిరీస్ కి ‘‘పిట్ట కథలు’’ అంటూ పేరు పెట్టింది. టైటిల్ కి తగ్గట్టే ఈ సిరీస్ చిన్నచిన్న స్టోరీల సమాహారం.
తాజాగా విడుదలైన ఈ టీజర్ ఆకట్టుకుంటోంది. స్త్రీ కోరికలను కొత్త దృక్పథంతో తెరకెక్కించనుంది. బోల్డ్ కంటెంట్‌తో పాటు, మరిన్ని భావోద్వేగాల సమ్మేళనంగా ఇవి మనల్ని అలరించనున్నాయి.
తరుణ్ భాస్కర్, నందిని రెడ్డి, నాగ్ అశ్విన్ మరియు సంకల్ప్ రెడ్డి … ఈ నలుగురు అత్యంత ప్రతిభావంతులైన దర్శకులను ఒకచోట చేర్చింది నెట్ ఫ్లిక్స్. ఈశా రెబ్బా, లక్ష్మి మంచు, అమలా పాల్ మరియు శ్రుతి హాసన్ లో వీటిలో కథానాయికలు. సింపుల్ గా చెప్పాలంటే… నలుగురు ధైర్యవంతులైన మహిళల బోల్డ్ కథలు. ప్రతి కథ ఇతర కథల నుండి పూర్తిగా భిన్నంగా ఉంటుంది.
పిట్టా కథలు అషిమా నర్వాల్, జగపతి బాబు, సత్య దేవ్, సాన్వే మేఘన, సంజిత్ హెగ్డే వంటి ప్రముఖ తారలు ఇందులో ఉన్నారు. ఫిబ్రవరి 19 నుంచి ఇవి నెట్‌ఫ్లిక్స్‌లో ప్రసారం అవుతాయి.
