భాగ్యశ్రీ బోర్సే.. ఈ బ్యూటీ మిస్ట‌ర్ బ‌చ్చ‌న్ మూవీతో హీరోయిన్ గా తెలుగు తెర‌కు ప‌రిచ‌యం కాబోతున్న సంగ‌తి తెలిసిందే. పీపుల్ మీడియా ఫ్యాక్టరీ బ్యానర్‌పై టిజి విశ్వప్రసాద్‌ నిర్మించిన ఈ యాక్ష‌న్ ఎంట‌ర్టైన‌ర్ కు హ‌రీష్ శంక‌ర్ ద‌ర్శ‌క‌త్వం వ‌హించ‌గా.. మాస్ మ‌హారాజా ర‌వితేజ హీరోగా యాక్ట్ చేశాడు. మిక్కీ.జే.మేయర్‌ సంగీతం అందించాడు. స్వాతంత్ర్య దినోత్సవం సందర్భంగా రేపు ఈ సినిమా గ్రాండ్ రిలీజ్ కాబోతోంది.
అయితే ప్ర‌మోష‌న్స్ లో భాగంగా హీరోయిన్ భాగ్యశ్రీ బోర్సే తాజాగా దావ‌త్ అనే టాక్‌ షోలో గెస్ట్ గా పాల్గొంది. బిగ్ బాస్ బ్యూటీ అరియానా హోస్ట్ చేసిన ఈ షోలో.. భాగ్యశ్రీ తెలుగులో త‌న డెబ్యూ మూవీ అయిన మిస్ట‌ర్ బ‌చ్చ‌న్ గురించి అనేక విష‌యాలు పంచుకుంది. ఈ క్ర‌మంలోనే ఏపీ డిప్యూటీ సీఎం, పవ‌ర్ స్టార్ పవన్ కల్యాణ్ తో లిఫ్ట్ లో ఇరుక్కుపోవాలనుంది అంటూ మ‌న‌సులో కోరికను కూడా బ‌య‌ట‌పెట్టింది.
అస‌లేం జ‌రిగిందంటే.. `ఒకవేళ మీరు లిఫ్ట్ లో ఇరుక్కుపోతే.. ఏ సెల‌బ్రిటీతో స్ట‌క్ అవ్వాల‌నుకుంటున్నారు?` అని అరియానా ప్ర‌శ్నించింది. అందుకు భాగ్యశ్రీ.. ఏ మాత్రం ఆలోచించ‌కుండా పవన్ కళ్యాణ్ సార్ తో అని స‌మాధానం ఇచ్చింది. వెంట‌నే డిప్యూటీ సీఎం గారి కొత్త తాలూకా అంటూ అరియానా ఫ‌న్ క్రియేట్ చేసింది. ఇక ఇదే ఇంట‌ర్వ్యూలో తెలుగులో ఒక బూతు ప‌దం చెప్ప‌ని అరియానా కోర‌గా.. `దొంగ ముం*` అనేసింది భాగ్యశ్రీ. ఇక ఏ హీరోతో షాపింగ్ చేయాలనుంది? అనే ప్రశ్నకు.. డబ్బులు ఖర్చు పెట్టే వాళ్లు ఎవరైనా నాకు ఓకే అంటూ భాగ్యశ్రీ స‌మాధానం ఇచ్చింది. మొత్తానికి స‌ర‌దాగా సాగిన దావ‌త్ షో ప్రోమో సోష‌ల్ మీడియాలో వైర‌ల్ గా మారింది.
