వినేందుకు విచిత్రంగా అనిపించినా ఇది నిజం. ఇప్పటివరకు ఎవరూ చేయని ప్రయోగం ఒకటి సిద్దిపేటలోని పొలంలో ఒక పెద్ద మనిషి చేశారు. అతడి ఆలోచన విన్నంతనే నవ్వు వచ్చేలా ఉన్న ఈ ఏర్పాటు.. ఇప్పుడు హాట్ టాపిక్ గా మారటమే కాదు.. సోషల్ మీడియాలో తెగ వైరల్ గా మారింది ఇప్పటివరకు పొలాల్లో దిష్టి బొమ్మలు పెట్టటం చూశాం. కానీ.. అందుకు భిన్నంగా విరగకాసిన పొలంలో.. భారీ సైజులో ఉన్న కాజల్.. తమన్నా ఫ్లెక్సీల్ని ఏర్పాటు చేవారు.
ఇంతకూ ఈ ప్రయోగం చేసింది ఎక్కడంటారా? హైదరబాద్ మహానగరానికి కాస్తంత దూరంలో ఉండే సిద్దిపేటలో. ఇంతకీ పొలంలో అంత పెద్ద ఫ్లెక్సీలు ఏర్పాటు చేసింది ఎందుకు? అన్న ప్రశ్న కలిగింది. ఆ భూమికి యజమాని అయిన రైతును అడిగితే.. అతడు చెప్పిన కారణం విన్నంతనే అవాక్కు అవ్వాల్సిందే.ఈసారి పంట విరగకాసిందని.. అందరూ తన పొలం పంటను చూస్తున్నారని.. దీంతో దిష్టి తగులుతుందనే ఈ ఏర్పాటు అని చెప్పాడు. దిష్టికి.. కాజల్.. తమన్నాలకు లింకేమిటంటే? భారీగా ఉన్న వారి ఫ్లెక్సీలు ఏర్పాటు చేస్తే.. అందరి చూపు పొలంలోని పంట మీద కాకుండా.. వారి ఫోటోల మీదనే ఉంటుందని.. అందుకే వారి ఫోటోల్ని ఏర్పాటు చేసినట్లుగా సదరు రైతు చెప్పిన మాట వింటే అవాక్కు అవ్వాల్సిందే. ఈ ఫ్లెక్సీల వ్యవహారం ఇప్పుడు ఆసక్తికర చర్చగా మారింది.
