ఇటీవ‌ల కాలంలో హీరో, హీరోయిన్ల చైల్డ్ హుడ్ ఫోటోలు సోష‌ల్ మీడియాలో బాగా ట్రెండ్ అవుతున్నాయి. పైన మీకు క‌నిపిస్తున్న ఫోటో కూడా ఆ కోవ‌కు చెందిందే. రెండు జ‌డ‌లు వేసుకుని స్కూల్ డ్రెస్ లో సూప‌ర్ క్యూట్ గా క‌నిపిస్తున్న ఆ పాప టాలీవుడ్ లో మోస్ట్ ఫేమ‌స్ హీరోయిన్‌. తెలుగు సినిమాల‌తో స్టార్డ‌మ్ అందుకున్న స‌ద‌రు హీరోయిన్‌.. ఆ త‌ర్వాత త‌మిళ్, హిందీ, క‌న్న‌డ, మ‌లయాళం మ‌రియు ఇంగ్లీష్ భాష‌ల్లో సైతం సినిమాలు చేసింది. ఇంత‌కీ ఆమె ఎవ‌రో గుర్తుప‌ట్టారా.. శ్రియా శరణ్ పూర్తి పేరు శ్రియా శరణ్ భట్నాగర్.
ఉత్తరాఖండ్ లోని హరిద్వార్ లో జ‌న్మించిన శ్రియా.. ఢిల్లీలో పెరిగింది. ఆమె తండ్రి పుష్పేంద్ర శరణ్ భట్నాగర్ భారత్ హెవీ ఎలక్ట్రికల్స్ లిమిటెడ్‌లో పని చేసేవారు. త‌ల్లి నీరజా శరణ్ భట్నాగర్ కెమిస్ట్రీ టీచర్. శ్రియాకు అభిరూప్ అనే అన్నయ్య కూడా ఉన్నాడు. కాలేజీ రోజుల్లో త‌న డాన్స్ టీచర్ సిఫార్సు మేర‌కు శ్రియా రెనూ నాథన్ యొక్క `తిరక్తి క్యున్ హవా` మ్యూజిక్ వీడియోలో యాక్ట్ చేసింది. ఈ వీడియోను చూసిన రామోజీ ఫిలిమ్స్.. శ్రియాను ఆడిష‌న్ చేసి `ఇష్టం` మూవీలో ఛాన్స్ ఇచ్చారు.
అలా 2001లో తెలుగు చిత్రంతో శ్రియా సినీ రంగ ప్ర‌వేశం చేసింది. ఈ సినిమా సెట్స్ మీద ఉన్న‌ప్పుడే మ‌రో నాలుగు చిత్రాల‌కు స‌త‌కం చేసిన శ్రియా.. త‌న రెండో సినిమా సంతోషంతో మంచి గుర్తింపు సంపాదించుకుంది. ఆ త‌ర్వాత చెన్నకేశవ రెడ్డి, నువ్వే నువ్వే, ఠాగూర్ ఇలా వ‌రుస విజ‌య‌వంత‌మైన సినిమాల‌తో అన‌తి కాలంలోనే స్టార్ హోదాను అందుకుంది. తెలుగులో నాగార్జున, చిరంజీవి, బాల‌కృష్ణ, వెంక‌టేష్ వంటి సీనియ‌ర్ స్టార్స్ తో పాటు ఎన్టీఆర్‌, మ‌హేష్ బాబు, ప‌వ‌న్ క‌ళ్యాణ్‌, ప్రభాస్ వంటి యంగ్ జ‌న‌రేష‌న్ హీరోల‌తో కూడా శ్రియా జ‌త క‌ట్టింది.
ఇక తెలుగు సినిమాల‌తో వ‌చ్చిన క్రేజ్ తో ఇత‌ర భాష‌ల్లోనూ అవ‌కాశాలు అందుకుంది. టాలీవుడ్ త‌ర్వాత బాలీవుడ్‌, కోలీవుడ్ ఇండ‌స్ట్రీస్‌లో శ్రియా బాగా స‌క్సెస్ అయింది. 2018లో టెన్నిస్ ప్లేయర్ ఆండ్రీ కోస్చీవ్ ను శ్రియా ల‌వ్ మ్యారేజ్ చేసుకుంది. ఈ జంట‌కు రాధ అనే అంద‌మైన కూతురు జ‌న్మించింది. ఇక పెళ్లై బిడ్డ పుట్టినా కాడా శ్రియా స‌క్సెస్ ఫుల్ గా త‌న ఫిల్మ్ కెరీర్ ను కొన‌సాగిస్తోంది. సౌత్ తో పాటు నార్త్ లోనూ సినిమాలు చేస్తూ ప్రేక్ష‌కుల‌ను అల‌రిస్తోంది.
View this post on Instagram
