అల్లు అర్జున్… టాలీవుడ్లో ఒక స్టైల్ ఐకాన్. 2020 సంక్రాంతి సినిమా ఇది. కలెక్షన్లలో గాని, రేటింగ్స్ లో గాని దుమ్మురేపింది. నిర్మాతలకు, అభిమానులకు, హీరోకి ఎంతో సంతోషాన్ని పంచింది.
దీంతో ఈ సినిమాను హిందీలో రీమేక్ చేయాలని ఎపుడో డిసైడపోయారు. తాజాగా దీని టైటిల్ కూడా ఖరారైపోయింది. “షెహజాదా” అనే టైటిల్ ను ఫిక్స్ చేశారనే వార్తలు సోషల్ మీడియాలో వైరల్ అవుతున్నాయి. దీనిపై అధికారిక ప్రకటన రావాల్సి ఉంది.
కరోనాను తృటిలో తప్పించుకున్న ఈ సినిమా ప్రభంజనం సృష్టించింది. అల్లు అర్జున్ సరసన పూజా హెగ్డే నటించిన ఈ సినిమా హిందీ వెర్షన్లో హీరో హీరోయిన్లు అల్లు అర్జున్ , పూజ కాదు. బాలీవుడ్ యంగ్ స్టార్స్ కార్తీక్ ఆర్యన్, కృతి సనన్ హీరోహీరోయిన్లగా నటించనున్నారు.
తెలుగులో మురళీశర్మ నటించిన పాత్రలో బాలీవుడ్ నటుడు పరేష్ రావల్ నటిస్తారు. కీలకమైన అంటే అల్లు అర్జున్ నిజమైన అమ్మగా నటించిన టబు పాత్రలో మనీషా కొయిరాలా నటిస్తున్నట్లు సమాచారం. ఈ సినిమాను రోహిత్ ధావన్ తెరకెక్కిస్తున్నారు.
ఈ కథ బాలీవుడ్ లో బాగా ఎక్కుతుందని గ్రహించిన అల్లు అరవింద్ రీమేక్ హక్కులు అమ్మకుండా ఏక్తా కపూర్ తో పార్టనర్ షిప్ చేస్తున్నారు. ఒంటరిగా బాలీవుడ్ లో నెట్టుకురావడం అసాధ్యం అని పార్టనర్ ను కలుపుకున్నారు. లేకపోతే సొంత బ్యానర్ పై నిర్మించేవారే.
