సీఎం చంద్ర‌బాబు కు వ‌చ్చిన‌ రెండే రెండు వంట‌లు ఏవో తెలుసా?

న‌ట‌సింహం నంద‌మూరి బాల‌కృష్ణ‌ హోస్ట్ గా వ్య‌వ‌హ‌రిస్తున్న మోస్ట్ పాపుల‌ర్ టాక్ షో `అన్ స్టాప‌బుల్ విత్ ఎన్‌బీకే` ఇప్ప‌టికే మూడు సీజ‌న్ల‌ను స‌క్సెస్ ఫుల్ గా కంప్లీట్ చేసుకున్న సంగ‌తి తెలిసిందే. తాజాగా సీజ‌న్ 4 కూడా ప్రారంభ‌మైంది. లేటెస్ట్ సీజ‌న్ లో ఫ‌స్ట్ ఎపిసోడ్ కు గెస్ట్ గా ఏపీ ముఖ్య‌మంత్రి, టీడీపీ అధినేత నారా చంద్ర‌బాబు నాయుడు హాజ‌ర‌య్యారు. ఈ సంద‌ర్భంగా ఆయ‌న ఎన్నో ఇంట్రెస్టింగ్ విష‌యాల‌ను పంచుకున్నారు.

రాజకీయాలు, ప‌వ‌న్ క‌ళ్యాణ్ తో పోత్తు, జైలు జీవితం వంటి అంశాలే కాకుండా కొన్ని ప‌ర్స‌న‌ల్ లైఫ్ కి సంబంధించిన‌ విష‌యాలను కూడా బాల‌య్య ప్ర‌స్తావ‌న‌కు తెచ్చారు. ఈ క్ర‌మంలోనే మీకు వంట వ‌చ్చా? అంటూ చంద్ర‌బాబును బాల‌య్య ప్ర‌శ్నించారు. అందుకు వెంట‌నే మీకు వ‌చ్చా..? అంటూ బాబు ఎదురు ప్ర‌శ్న వేశారు. నాకు వంట రాదు, కానీ వండే వారికి స‌ల‌హాలు మాత్రం బాగా ఇస్తానంటూ బాల‌య్య న‌వ్వులు పూయించ‌గా.. తాను ప‌ప్పు బ్ర‌హ్మాండంగా చేస్తాన‌ని చంద్ర‌బాబు తెలిపారు.

అలాగే ఆమ్లెట్ కూడా ఈజీగా వేస్తాన‌ని.. ఈ రెండు వంట‌లు త‌ప్ప ఇంకేమీ త‌న‌కు రావ‌ని బాబు చెప్పుకొచ్చారు. ఇక టీ, కాఫీల్లో మీ ఫేవ‌రెట్ ఏది అని బాల‌య్య ప్ర‌శ్నించ‌గా.. ప్ర‌తి రోజు ఉద‌యం ఓ క‌ప్పు కాఫీ తాగుతాన‌ని బాబు తెలిపారు. హైద‌రాబాద్‌లో ఉంటే భువ‌నేశ్వ‌రితో క‌లిసి కాఫీ తాగుతాన‌ని.. అమ‌రావ‌తిలో ఉంటే డైనింగ్ టేబులే త‌న‌కు తోడ‌ని చంద్ర‌బాబు పేర్కొన్నారు. చంద్ర‌బాబు వ్యాఖ్య‌లు ప్ర‌స్తుతం నెట్టింట వైర‌ల్ గా మారాయి.