ఏపీ అసెంబ్లీ స‌మావేశాలు వాడివేడిగా సాగుతున్నాయి. అయితే శుక్రవారం అసెంబ్లీ ఎదుట ఓ ఇంట్రెస్టింగ్ సీన్ చోటుచేసుకుంది. డిప్యూటీ సీఎం పవన్ కళ్యాణ్ ను అసెంబ్లీలోని మీడియా పాయింట్ వద్ద వైసీపీ శాసనమండలి సభ్యులు బొత్స సత్యనారాయణ హ‌గ్ చేసుకోవ‌డం అంద‌ర్నీ ఆశ్చ‌ర్యానికి గురి చేసింది. శుక్రవారం పీఎసీ ఎన్నికలు జరగ‌డంతో.. స‌భ్యులంద‌రూ ఓటు వినియోగించుకునేందుకు అసెంబ్లీకి చేరుకున్నారు.
ఓటు వినియోగించి, ప్ర‌శ్నోత్త‌రం పూర్తి చేసిన పవన్ కళ్యాణ్.. అసెంబ్లీ హాల్ నుంచి కారెక్కేందుకు బ‌య‌ట‌కు వ‌చ్చారు. ఆయ‌న్ను చూసిన ఎమ్మెల్యే పెద్దిరెడ్డి రామచంద్రారెడ్డి మ‌రియు మ‌రికొంద‌రు వైసీపీ ఎమ్మెల్సీలు ప‌క్క‌కు వెళ్లిపోగా.. వైసీపీ ఎమ్మెల్సీ బొత్స సత్యనారాయణ మాత్రం అక్క‌డే నిలబడి పవన్ కళ్యాణ్‌కు నమస్కారం పెట్టారు.
బొత్సను చూసిన పవన్ ఎదురు వెళ్లి ప్ర‌తిన‌మ‌స్కారం చేయ‌గా.. బొత్స కూడా వెళ్లి పవన్ కళ్యాణ్‌కు షేక్ హ్యాండ్ ఇచ్చి ఆలింగనం చేసుకున్నారు. అక్క‌డే ఇరువురు కొన్ని క్ష‌ణాల్లో మాట్లాడుకున్నారు. ఆపై పవన్ కారులో వెళ్లిపోగా.. బొత్స అసెంబ్లీ లోప‌ల‌కు వెళ్లారు. ఇందుకు సంబంధించి వీడియో ప్ర‌స్తుతం ఇటు సోష‌ల్ మీడియా, ఇటు ప్రధాన మీడియాను ఓ రేంజ్ లో షేక్ చేస్తోంది.
అసెంబ్లీ ప్రాంగణంలో ఆసక్తికర సన్నివేశం…
మాజీ మంత్రి, వైసీపీ నేత బొత్స సత్యనారాయణను ఆలింగనం చేసుకున్న డిప్యూటీ సీఎం పవన్ కళ్యాణ్#PawanKalyan #BotsaSatyanarayana #APAssembly #APBudgetSession2024 #AndhraPradesh #YSRCP #JanaSena #Newsof9 pic.twitter.com/BPOG4vKfjx
— News Of 9 (@TheNewsof9) November 22, 2024
