అక్టోబరు 15న విశాఖపట్నం పర్యటన సందర్భంగా అరెస్టయిన విశాఖపట్నంకు చెందిన తొమ్మిది మంది నేతలను జనసేన అధినేత పవన్ కల్యాణ్ శనివారం సన్మానించారు. మంగళగిరిలోని పార్టీ ప్రధాన కార్యాలయానికి తొమ్మిది మంది నేతలతో పాటు వారి కుటుంబ సభ్యులను పవన్ కల్యాణ్ ఆహ్వానించారు.
వైఎస్సార్‌ కాంగ్రెస్‌ పార్టీ నాయకత్వానికి, రాష్ట్ర ప్రభుత్వానికి ఎదురు నిలిచి పోరాడినందుకు వారిని అభినందించారు. కోన తాతారావు, సుందరపు విజయ్ కుమార్, పంచకర్ల సందీప్, పీవీఎస్ఎన్ రాజు, పీతల మూర్తి యాదవ్, కొల్లూరు రూప, రాయపురెడ్డి కృష్ణ, శ్రీనివాస పట్నాయక్, చిట్టిబిల్లి శ్రీను తదితర తొమ్మిది మంది నాయకులను ఆయన సన్మానించారు.
విమానాశ్రయం నుంచి అనధికారికంగా ర్యాలీ నిర్వహించి మంత్రి వాహనాలపై దాడి చేశారన్న ఆరోపణలపై నేతలను విశాఖపట్నంలో పోలీసులు జనసేన నేతలను అరెస్టు చేసి జైలుకు పంపారు. పోలీసులు పవన్ కళ్యాణ్‌ను కూడా అరెస్టు చేసేందుకు ప్రయత్నించారు, కాని అతనికున్న ప్రజాబలం వల్ల వెనక్కు తగ్గారు.
అయితే, పవన్ అరెస్టు అయ్యి విడుదల అయిన వారిని సత్కరించడం వల్ల మంచి పని చేశారు. ఈ వ్యూహాత్మక చర్య వల్ల జనసేన పార్టీ కేడర్ కు పవన్ మంచి సంకేతాలు పంపినట్టవుతుంది. పార్టీ కోసం పనిచేస్తే పార్టీ మాకు అండగా నిలబడుతుంది అన్న భరోసాను పవన్ కల్పించారు. ఇది ప్రస్తుతం పార్టీలో చర్చనీయాంశం అయ్యింది. మొత్తానికి పవన్ రాజకీయం వంటబట్టించుకున్నారని చెప్పాలి.
విశాఖ అక్రమ కేసుల్లో జైలు పాలై.. గౌరవ హైకోర్టు ఇచ్చిన బెయిలుతో విడుదలైన తొమ్మిది మంది జనసేన నాయకులను పార్టీ అధ్యక్షులు శ్రీ @PawanKalyan గారు ఆత్మీయంగా సత్కరించారు. శనివారం సాయంత్రం మంగళగిరిలోని పార్టీ రాష్ట్ర కార్యాలయంలో నిర్వహించిన కార్యక్రమంలో విశాఖ పార్టీ నేతలు.. pic.twitter.com/S34vcylz8I
— JanaSena Party (@JanaSenaParty) October 29, 2022
