ఆయ‌న టీడీపీ త‌ర‌ఫున గెలిచి.. త‌ర్వాత జ‌గ‌న్‌కు జైకొట్టిన ఎమ్మెల్యే. సీఎం జగన్ ద‌గ్గ‌ర మార్కులు వేయించుకునేందుకు త‌ర‌చుగా చంద్ర‌బాబు కుటుంబంపై అవాకులు, చ‌వాకులు పేలే యువ నాయ‌కుడు. ఆయ‌నే గన్నవరం ఎమ్మెల్యే వ‌ల్ల‌భ‌నేని వంశీ. అయితే.. ఆయ‌న పుట్టిన రోజు సంద‌ర్భంగా.. అనుచరులు చేసిన హంగామా అంతా ఇంతా కాదు. నానా ర‌చ్చ చేశారు. అత్యంత ర‌ద్దీగా ఉండే.. గన్నవరం హైవేపై అర్ధ‌రాత్రి అట‌కాయించి.. మ‌రీ కేక్ క‌ట్ చేశారు. వంద‌ల మంది అభిమానులు.. పుట్టిన రోజు పేరుతో హంగామా సృష్టించారు.
ప్ర‌ధాన రహదారిపై టేబుల్ పెట్టి కేక్ కటింగ్ చేసి.. బాణ సంచాలు కాలుస్తూ రెచ్చిపోయారు. రోడ్డుపై వెళ్తున్న వాహనాలను సైతం అడ్డుకుని వంశీ అనుచరులు రెచ్చిపోయారు. ఇక, ఈ బాణా సంచా థాటికి దట్టమైన పొగతో గన్నవరం జాతీయ రహదారి నిండిపోయింది. చుట్టుప‌క్కల ఉన్న ఇళ్ల‌లో మంచి నిద్ర‌లో ఉన్న‌వారు.. భూకంపం ఏమైనా వ‌చ్చిందా అని ఉలిక్కి ప‌డి నిద్ర లేచారు. వాస్త‌వానికి రాష్ట్ర వ్యాప్తంగా 114వ సెక్ష‌న్ అమ‌ల్లో ఉంది.
పైగా.. రాత్రి 11 గంట‌ల నుంచి తెల్ల‌వారు జామున 4గంట‌ల వ‌ర‌కు పోలీసు యాక్ట్ 30 ఆటోమేటిక్‌గానే అమ‌ల్లో ఉంటుంది. ఈ స‌మ‌యంలో న‌లుగురు గుమిగూడ‌డ‌డం త‌ప్పు. ఇక, ఇలాంటి హంగామా చేయ‌డం అస‌లే నేరం. అయిన‌ప్ప‌టికీ.. హైవేపై ఇంత జరుగుతున్నా పోలీసులు మాత్రం నిమ్మ‌కు నీరెత్తిన‌ట్టు వ్యవహరించారు. త‌మ‌కేమీ తెలియ‌ద‌న్న‌ట్టు చూసి కూడా చూడ‌న‌ట్టే వ్యవహరించారు. ఇక, వంశీ అభిమానుల హంగామాతో రెండు కిలో మీట‌ర్ల మేర వాహ‌నాలు నిలిచిపోయాయి. ఇదీ.. వైసీపీ హ‌యాం.. అంటే.. అని ఈ హంగామాతో నిద్ర పోగొట్టుకున్న‌వారు.. చేసిన గుస‌గుస
