అంత‌ర్జాతీయ మ‌హిళా దినోత్స‌వం సంద‌ర్భంగా ఉమెన్ ఎంప‌వ‌ర్‌మెంట్ తెలుగు అసోసియేష‌న్ ఆధ్వ‌ర్యంలో మ‌హిళా దినోత్స‌వ వేడుక‌లు ఘ‌నంగా నిర్వ‌హించ‌నున్నారు. వ‌ర్చువ‌ల్ సెల‌బ్రెష‌న్స్ విధానంలో నిర్వ‌హించ‌నున్న వివిధ ర‌కాల పోటీల‌లో విజేత‌ల‌కు అతిర‌థ మ‌హ‌ర‌థుల ద్వారా అవార్డుల ప్ర‌దానం చేయ‌నున్నారు. రెట్రో స్టైల్‌, ఫుడ్ కార్వింగ్ కార్య‌క్ర‌మాలు చేప‌ట్ట‌నున్నారు. ఈ పోటీల‌లో పాల్గొనాల‌నుకునేవారు మార్చి 20వ తేదీలోగా త‌మ వివ‌రాల‌ను న‌మోదు చేసుకోవ‌చ్చు. మార్చి 26వ తేదీన విజేత‌ల‌ను ప్ర‌క‌టించ‌నున్నారు. ఈ సంద‌ర్భంగా ట్రివియా గేమ్స్, ష్యాష‌న్స్ గేమ్స్, మ్యూజిక్‌, డ్యాన్స్ ప‌ర్ఫార్మెన్స్ వంటివి కూడా ఉండ‌నున్నాయి.
ఈ కార్య‌క్ర‌మానికి ఏపీ హోంమంత్రి మేక‌తోటి సుచ‌రిత ముఖ్య అతిథిగా హాజ‌రుకానున్నారు. స్పెష‌ల్ గెస్టులుగా బీజేపీ జాతీయ ఉపాధ్య‌క్షురాలు డీకే అరుణ, ఎమ్మెల్యే విడ‌ద‌ల ర‌జ‌నీ హాజ‌రుకానున్నారు. ఇంట‌ర్నేష‌న‌ల్ టేబుల్ టెన్నిస్ ప్లేయ‌ర్ నైనా జైస్వాల్‌, ఇమిగ్రేష‌న్ అటార్నీ ప్ర‌శాంతి రెడ్డి, ప్ర‌ముఖ న‌వ‌లా ర‌చ‌యిత బాలభ‌ద్ర‌పాత్రుని ర‌మ‌ణి, కార్డియాల‌జిస్ట్ డాక్టర్ అంబ‌టి శ్రీ‌వాణి పాల్గొన‌నున్నారు.
ఆసక్తి క‌లిగిన వారు క్యూఆర్ కోడ్ లింక్ ద్వారా వివ‌రాలు న‌మోదు చేసుకోవ‌చ్చు.
