టాలీవుడ్ రౌడీ బాయ్ విజయ్ దేవరకొండ కు సరైన హిట్ చాలా కాలమే అయ్యింది. గత ఏడాది విడుదలైన ఖుషి మూవీ యావరేజ్ గా ఆడితే.. మొన్నా మ‌ధ్య వచ్చిన ది ఫ్యామిలీ స్టార్ట్ చిత్రం ప్రేక్షకులను తీవ్రంగా నిరాశపరిచింది. ప్రస్తుతం జెర్సీ ఫేమ్ గౌతమ్ తిన్ననూరి దర్శకత్వంలో విజయ్ దేవరకొండ ఒక సినిమా చేస్తున్నాడు. విజయ్ కెరీర్ లో ఇది 12వ ప్రాజెక్ట్ కావ‌డంతో.. `VD12` వర్కింగ్ టైటిల్ తో సినిమా ప్రారంభమైంది.
సితార ఎంటర్‌టైన్‌మెంట్స్, ఫార్చ్యూన్‌ ఫోర్‌ సినిమాస్‌, శ్రీకర స్టూడియోస్‌ బ్యానర్ల‌పై నిర్మిత‌మ‌వుతున్న ఈ చిత్రానికి కోలీవుడ్ రాక్ స్టార్ అనిరుధ్‌ రవిచందర్ సంగీతం అందిస్తున్నాడు. ప్రస్తుతం విడి12 ప్రాజెక్ట్ చిత్రీక‌ర‌ణ ద‌శ‌లో ఉన్నాయి. ఆల‌స్మో 60 శాతం షూటింగ్ కంప్లీట్ అయింది. అయితే తాజాగా ఈ సినిమా నుంచి సాలిడ్ అప్డేట్ వ‌చ్చింది. రిలీజ్ డేట్ తో పాటు విజయ్ దేవరకొండ ఫ‌స్ట్ లుక్ ను రివీల్ చేస్తూ ఓ పోస్ట‌ర్ ను రిలీజ్ చేశారు.
`విధి అతని కోసం వేచి ఉంది.. తప్పులు, రక్తపాతం, ప్రశ్నలు, పునర్జన్మ` అని పేర్కొంటూ విడుద‌ల చేసిన పోస్ట‌ర్ లో విజయ్ షాకింగ్ లుక్ లో ద‌ర్శ‌న‌మిచ్చాడు. డిఫ‌రెంట్‌ హెయిర్‌ స్టైల్‌, పొడవాటి గడ్డం, ముఖంపై రక్తపు మరకలు మ‌రియు గాయాల‌తో వ‌ర్షంలో విజయ్ చాలా కోపంగా అరుస్తూ క‌నిపించాడు. ఇక రిలీజ్ డేట్ విష‌యానికి వ‌స్తే.. విడి12 మూవీ 2025 మార్చి 28న ప్రేక్ష‌కుల ముందుకు రాబోతోంది. టైటిల్ అనౌన్స్‌మెంట్ కూడా ఈ నెల‌లోనే ఉండ‌బోతోంది.
