బాలీవుడ్ లో సత్తా చాటాలని చాలామంది అప్ కమింగ్ హీరోయిన్లు ఆరాటపడుతుంటారు. బీ టౌన్ లో బ్లాక్ బస్టర్ హిందీ సినిమాలు చేయాలని కలలు కంటుంటారు. ఈ కోవలోనే హాట్ బ్యూటీ ఊర్వశి రౌతేలా కూడా సరైన బ్రేక్ కోసం ఎదురు చూస్తోంది. ‘సనమ్ రే’, ‘గ్రేట్ గ్రాండ్ మస్తీ’ , ‘హేట్ స్టోరీ 4’ వంటి రొమాంటిక్ కామెడీ సినిమాలలో నటించిన పెద్దగా గుర్తింపు రాలేదు. అయితే, ఈ లోపు రౌతేలాకు మరే బాలీవుడ్ హీరోయిన్ కు దక్కని అరుదైన గౌరవం దక్కింది. వరల్డ్ టాప్ 10 సెక్సియెస్ట్ ఉమెన్స్ లిస్టులో రౌతెలా చోటు దక్కించుకుంది. ప్రపంచంలోని పది మంది అందగత్తెల జాబితాలో ఈ హాట్ బ్యూటీకి చోటు దక్కింది.
ఈ లిస్టులో చోటు ద‌క్కించుకున్న తొలి భార‌తీయ మ‌హిళ ఊర్వశి రౌతేలా కావ‌డం విశేషం. త్వరలోనే ఈ స్టన్నింగ్ బ్యూటీ టాలీవుడ్ లో ఓ స్టార్ హీరోతో సినిమా చేయనుందని తెలుస్తోంది. టాలీవుడ్ స్టార్ హీరో ప్రభాస్ నటిస్తోన్న ఆది పురుష్ చిత్రంలో రౌతెలా నటించబోతోందని పుకార్లు వస్తున్నాయి. అందంతో పాటు ఆదుకునే గుణం కూడా ఉన్న ఊర్వశి రౌతెలా….లాక్ డౌన్ సమయంలో తన దయాగుణాన్ని చాటుకుంది. స్టార్ హీరోయిన్ కాకపోయినప్పటికీ తనకు తోచినట్టుగా దాదాపు రూ.5 కోట్ల రూపాయల విరాళంగా ఇచ్చి తన పెద్దమనసు చాటుకుందీ హాట్ బ్యూటీ. మరి, ఇప్పటికైన ప్రపంచం గుర్తించిన ఈ హాట్ బ్యూటీకి బాలీవుడ్ మంచి అవకాశాలు కల్పిస్తుందో లేదో వేచి చూడాలి.
