ఏపీ ఎన్నిక‌ల్లో ఎవ‌రు గెలుస్తార‌నే విష‌యం.. అత్యంత హాట్ టాపిక్‌గా మారిన విష‌యం తెలిసిందే. పోటెత్తి న ఓట‌ర్లు ఎవ‌రికి అనుకూలంగా ఉన్నారు. 16 ల‌క్ష‌ల‌కు పెరిగిన ఓట్లు ఎవ‌రికి ప‌ట్టం క‌డుతున్నాయి.. 4 ల‌క్షల మంది అధికంగా ఓటేసిన మ‌హిళ‌ల‌కు ఎవ‌రికి గ‌ద్దెనందించారు. ఇలా.. అనే ప్ర‌శ్న‌ల‌కు ఇంకా స‌మాధానం స‌రిగ్గా చిక్క‌డం లేదు. ఎవ‌రికి వారు లెక్క‌లు వేసుకుంటున్నారు. దీనిపై అటు పారిశ్రామిక.. ఇటు రాజ‌కీయ దిగ్గ‌జాల‌తో పాటు.. సినీ రంగాల‌కు చెందిన ప్ర‌ముఖులు కూడా అంచ‌నాలు వేస్తున్నారు.
ఇప్ప‌టి వ‌ర‌కు స్పందించిన వారిలో పార్టీల‌కు అతీతంగా ఉన్న హీరో శివాజీ వంటివారు ఇప్ప‌టికే ఒక అంచ‌నాకు వ‌చ్చారు. కూట‌మికి మ‌ద్ద‌తు ల‌భించింద‌ని.. ఎక్కువ మంది కూట‌మికే మొగ్గు చూపించార‌ని కూడా తెలిపారు. దీంతో కూటమి పార్టీలు ఈద‌ఫా విజ‌యం ద‌క్కించుకుంటాయ‌ని శివాజీ చెప్పుకొచ్చారు. ఇక, నానీ స‌హా మ‌రికొంద‌రు నేరుగా బ‌య‌ట‌కు చెప్ప‌క‌పోయినా.. వారు కూడా కూటమి ప‌క్షానే ప‌నిచేశారు. మొత్తంగా. ఇండ‌స్ట్రీలో సైలెంట్‌గా అయితే.. ఈ చ‌ర్చ సాగుతోంది.
తాజాగా దివంగ‌త చ‌ల‌ప‌తిరావు త‌న‌యుడు, డైరెక్ట‌ర్ .. ర‌వి బాబు కూడా.. కూటమి వైపు ప్రజలు ఉన్నార‌ని తెలిపారు. ఏకంగా 150 సీట్ల‌తో కూటమి విజ‌యం ద‌క్కించుకునేందుకు సిద్ధ‌మైంద‌న్నారు. ఈ విష‌యంలో త‌న‌కు డౌట్ లేద‌న్నారు. ఇక, సినీ రంగానికే చెందిన ఒక కీల‌క నిర్మాత కూడా.. కూట‌మికి మ‌ద్ద‌తుగా స్పం దించారు. కూటమి విజ‌యం ఖాయ‌మ‌ని అన్నారు. రాష్ట్రంలో ప్రజలు చాలా వ్యూహాత్మ‌కంగా తీర్పు ఇచ్చార‌ని ఆయ‌న అభిప్రాయ‌ప‌డ్డారు.
వాస్త‌వానికి బ‌య‌ట‌కు చెప్పేందుకు ఎక్కువ మంది ముందుకు రావ‌డం లేదు. అయితే.. అంద‌రి అభిప్రా యంలోనూ కూటమి విజ‌యం ద‌క్కించుకుంటుంద‌ని తెలుస్తోంది. చిత్రం ఏంటంటే.. మంచు ఫ్యామిలీ కూడా.. ఈ సారి కూటమి వైపు అంచ‌నాలు ఎక్కువ‌గా ఉన్నాయ‌ని చెబుతున్న‌ట్టు తెలుస్తోంది. ఆన్ లైన్ చానెళ్ల‌కు ఇచ్చిన ఇంట‌ర్వ్యూల్లో ఈ మేర‌కు మంచు కుటుంబం అభిప్రాయం వ్య‌క్తం చేసింది. పైకి రాజ‌కీయాలకు దూరంగా ఉన్నామ‌ని చెబుతున్నా.. అంత‌ర్గ‌తంగా మాత్రం కూటమి వైపు మంచు కుటుంబం ఉండ‌డం గ‌మ‌నార్హం.
