గుర్తు పట్టటం లేదనే ప్రోగ్రాంలకు రావటం మానేసిందట

ఇప్పటి తరానికి తెలీదు కానీ.. లేట్ సెవన్టీ.. ఎర్లీ ఎయిటీల్లో పుట్టిన వారికి ‘రవళి’ గురించి ప్రత్యేకంగా పరిచయం చేయాల్సిన అవసరం లేదు. సన్నగా నాజుగ్గా ఉండే.. ఈ డస్కీ బ్యూటీ అప్పట్లో కుర్రకారుకు నిద్ర లేకుండా చేసింది. కుర్ర హీరోలతో మొదలు అగ్ర హీరోల వరకు సినిమాలు చేసిన ఆమె.. ఆ తర్వాత నుంచి కనిపించలేదు. ఎప్పటికప్పుడు కొత్తగా వచ్చే వారే తప్పించి.. ఒకప్పుడు తళుక్కున మెరిసి.. మురిపించిన వారి గురించి ఎక్కువ కాలం గుర్తు పెట్టుకోవటం సినిమా ఇండస్ట్రీకి అలవాటు ఉండదు.

ఈ కారణంతోనే స్టార్ డమ్ ఉన్నప్పటికీ అవకాశాలు రాక తమ దారిన తాము వెళ్లిపోయే హీరోయిన్లను మీడియా ఒక్కసారి గుర్తు చేస్తే.. విస్మయం వ్యక్తమవుతుంటుంది. ఈ క్రమంలో కొందరికి మళ్లీ అవకాశాలు వస్తుంటాయి. ఇదంతా ఎందుకంటే.. దాదాపు ముప్ఫై ఏళ్ల క్రితం దర్శకేంద్రుడు రాఘువేంద్రరావు దర్శకత్వంలో వచ్చిన బ్లాక్ బస్టర్ మూవీ పెళ్లి సందడితో సందడి చేసిన రవళికి ఆ సినిమా పెద్ద ప్లస్ కావటమే కాదు.. తర్వాతి రోజుల్లో మరెన్నో అవకాశాలకు ఆ మూవీ కారణమైందని చెప్పాలి.

అప్పటి రవళి.. కొన్నాళ్ల నుంచి కనిపించటం లేదు. తాజాగా రాఘవేంద్రరావు దర్శకత్వంలో శ్రీకాంత్ కుమారుడితో తీసిన పెళ్లి సందD మూవీ ప్రిరిలీజ్
ఫంక్షన్ జరిగింది. దీనికి హాజరైన రవళి.. హాట్ టాపిక్ గా మారారు. శరీరంలో భారీ మార్పులు చోటు చేసుకోవటమే కాదు.. స్టేజ్ మీదకు వచ్చి.. నేను రవళిని.. అంటూ తనను తాను పరిచయం చేసుకోవటంతో అందరూ ఆశ్చర్యానికి గురయ్యారు. శరీరంలో వచ్చిన మార్పులతో రవళి పూర్తిగా మారిపోయారు.

ఇదే విషయాన్ని ఆమె చెబుతూ.. తాను ఈవెంట్లకు వెళుతుంటే.. తనను ఎవరూ గుర్తుపట్టటం లేదని.. అందుకే తాను కార్యక్రమాలకు వెళ్లటమే మానేసినట్లు చెప్పారు. అయితే.. రాఘవేంద్రరావు పిలవటంతో ఈ ప్రోగ్రాంకు వచ్చానని చెప్పారు. మొత్తానికి ఈ ఈవెంట్ కు హాజరైన రవళి.. అందరికి భారీ షాక్ ఇచ్చారనే చెప్పాలి.