అంతా అనుకున్నట్లుగానే ఆస్కార్ బరిలో ఆర్ఆర్ఆర్ అదరగొట్టింది. నాటు నాటు అంటూ తారక్, చెర్రీలు వేసిన ఊర నాటు స్టెప్పులు ఆర్ఆర్ఆర్ సినిమాకు…యావత్ భారతీయులకు..ప్రత్యేకించి తెలుగువారికి ఆస్కార్ అవార్డును…అమితానందాన్ని తెచ్చిపెట్టాయి. ఈ క్రమంలోనే లాస్ ఏంజిల్స్ లోని డాల్బీ థియేటర్ అట్టహాసంగా జరుగుతున్న 95వ అకాడమీ అవార్డుల ప్రదానోత్సవంంలో ఆర్ఆర్ఆర్ టీం మరో అరుదైన అవకాశం దక్కించున్న సంగతి తెలిసిందే. ఈ అవార్డుల ప్రదానోత్సవానికి ముందు ఆస్కార్ వేదిక పై రాహుల్ సిప్లిగంజ్, కాలభైరవ ‘నాటు నాటు’ సాంగ్ లైవ్ పర్ఫార్మెన్స్ అదిరిపోయింది.
ప్రపంచంలోనే ప్రతిష్టాత్మకమైన ఆస్కార్ వేదికపై ఇద్దరు తెలుగు సింగర్స్ లైవ్ పర్ఫామెన్స్ ఇచ్చి దుమ్మురేపారు. రాహుల్, కాలభైరవలు నాటు నాటు పాట పాడాల్సిందిగా బాలీవుడ్ స్టార్ హీరోయిన్ దీపికా పదుకొణే ఆహ్వానించగా…ఆ ఇద్దరూ స్టేజిపైకి వచ్చి పాట పాడారు.
Proud moment for #Bollywood and #India???? #DeepikaPadukone announced #RRR’s #NaatuNaatu performance at #Oscars pic.twitter.com/cMlyzqpV67
— Bollywood Knocks (@BollywoodKnocks) March 13, 2023
అమెరికన్ డాన్సర్స్ స్టేజి పై లైవ్ పర్ఫార్మెన్స్ ఇస్తుండగా…వారి మధ్యలో నిలబడి రాహుల్, కాలభైరవలు ఆడిపాడి అందరినీ అలరించారు. సమయాభావం వల్ల నాటు నాటు సాంగ్ మొత్తం పాడే అవకాశం లేకపోవడంతో… పాటలోని పల్లవి, రెండో చరణం పాడి పాటను ముగించేశారు. తెలుగోడి సత్తా చాటేలా రాహుల్ సిప్లిగంజ్, కాలభైరవ పాడిన నాటు నాటు పాటకు డాల్బీ థియేటర్ దద్దరిల్లిపోయింది. దీంతో, ఈ పాటకు థియేటర్లోని వారంతా స్టాండింగ్ ఒవేషన్ ఇచ్చారు.
అంతకు ముందు వేరే పాటలను మరి కొందరు సింగర్స్ పాడగా…వాటికి కేవలం చప్పట్లు కొట్టి ఊరుకున్న దిగ్గజ నటీనటులు…నాటు నాటు పాటకు మాత్రం నిల్చొని మరీ కరతాళ ధ్వనులతో గౌరవించారు. ఆస్కార్ వేదికపై ఒక తెలుగు పాట లైవ్ పర్ఫార్మెన్స్ కు అవకాశం రావడమే ఒక ఘనత అయితే..ఆ పాటకు హాలీవుడ్ దిగ్గజ నటులు, దర్శకులు స్టాండింగ్ ఒవేషన్ ఇవ్వడం మరో అరుదైన గౌరవం.
ఇక, ఈ అవార్డుల ప్రదానోత్సవతానికి రాజమౌళి, ఎన్టీఆర్, చరణ్, సెంథిల్ కుమార్, కీరవాణి, చంద్రబోస్, రాహుల్ సిప్లిగంజ్, కాలభైరవ, ప్రేమ్ రక్షిత్ మాస్టర్, ఉపాసన, ప్రణీత, రాజమౌళి తనయుడు కార్తికేయలతోపాటు ఆర్ఆర్ఆర్ చిత్ర టీం నుంచి ఆస్కార్ నామినేట్ అయిన వారంతా హాజరయ్యారు. ప్రస్తుతం ఆ లైవ్ పర్ఫార్మెన్స్ వీడియో వైరల్ అయింది.
Here's the energetic performance of "Naatu Naatu" from #RRR at the #Oscars. https://t.co/ndiKiHeOT5 pic.twitter.com/Lf2nP826c4
— Variety (@Variety) March 13, 2023
