నంద‌మూరి న‌ట సింహం బాల‌య్య కున్న ఫ్యాన్ ఫాలోయింగ్, ఆయ‌న సినిమాల‌కున్న క్రేజీ సంగ‌తి తెలిసిందే. యాక్ష‌న్ సినిమాలే కాకుండా త‌న‌దైన మంచి కామెడీ టైమింగ్‌తో ప్రేక్ష‌కుల‌ను అల‌రించ‌డంలో బాల‌య్య ఎప్పుడూ ముందుంటారు. తాజాగా ఆయ‌న క్రేజీ ద‌ర్శ‌కుడు అనిల్ రావిపూడితో సినిమాకు గ్రీన్ సిగ్న‌ల్ ఇచ్చారు. ఈ సినిమాకు అదిరిపోయే క‌థ‌ను అనిల్ రావిపూడి సిద్ధం చేశార‌ని టాక్. ఈ సినిమాపై ఇప్ప‌టికే బాల‌య్య అభిమానుల్లో భారీ అంచ‌నాలు నెల‌కొన్నాయి. కాగా ఈ సినిమాలో బాలీవుడ్ కు చెందిన ఒక అందాల ముద్దుగుమ్మ బాల‌య్య స‌ర‌స‌న జోడీ క‌ట్ట‌బోతుంద‌నే వార్తలు షికారు చేస్తున్నాయి. అయితే అది ఎవ‌ర‌నేది మాత్రం ఇంకా స‌స్పెన్స్ కొన‌సాగుతోంది.
బాలీవుడ్ న‌టి సోనాక్షి సిన్హాను ఈ సినిమాలో క‌థానాయిక‌గా చిత్ర యూనిట్ అనుకుంద‌నే వార్తలు చ‌క్క‌ర్లు కొట్టాయి. ఇప్పుడామె ఈ సినిమా నుంచీ త‌ప్పుకుంద‌నే ప్ర‌చారం జ‌రుగుతోంది. కార‌ణం ఆమె ఈ సినిమాలో న‌టించ‌డానికి భారీగా పారితోషికం డిమాండ్ చేయ‌డ‌మేన‌ట. దీనికి చిత్ర యూనిట్ అంగీక‌రించ‌క‌పోవ‌డంతో ఆమె సినిమా నుంచీ త‌ప్పుకున్నార‌ని కృష్ణాన‌గ‌ర్ స‌ర్కిల్స్‌లో ప్ర‌చారం సాగుతోంది. ఇప్పుడీ వార్త సోనాక్షి సిన్హా చెవిన కూడా ప‌డింది. దాంతో ఆమె స్వ‌యంగా రంగంలోకి దిగి దీనిక‌పై క్లారిటీ ఇచ్చి ఈ వార్త‌ల‌కు చెక్ పెట్టే ప్ర‌య‌త్నం చేశారు.
టాలీవుడ్‌లో నేను యాక్ట్ చేయ‌బొతున్న‌ట్లు వ‌స్తున్న వార్త‌ల్లో వాస్త‌వం లేదు. అలాగే ఇప్పుడు ఆ సినిమా నుంచి నేను తప్పుకున్నట్లు కూడా వార్తలు వస్తున్నాయి. అందుకే క్లారిటీ ఇవ్వాలనుకుంటున్నా. అయినా.. ఇప్పటి వరకు ఎప్పుడూ ఫస్ట్ ప్లేస్‌లో లేని హీరోయిన్‌ని ఎవరైనా సినిమా నుంచి తీసేస్తారా..? అవన్నీ రూమర్స్ అంటూ అంటూ సెటైర్లు వేసింది. చాలా కాలంగా సోనాక్షి హిట్ కోసం ఎదురుచూస్తున్న విషయం తెలిసిందే.
బాల‌య్య బాబు గ‌తేడాది ఆయ‌న ‘అఖండ’ విజ‌యాన్ని సొంతం చేసుకున్నారు. క‌లెక్ష‌న్ల‌లో బాక్సాఫీసు రికార్డులు బ‌ద్ద‌లు కొట్టారు. ప్ర‌స్తుతం ఆయ‌న మాస్ డైరెక్ట‌ర్ గొపీచంద్ మ‌లినేని ద‌ర్శ‌క‌త్వంలో ఒక క్రేజీ ప్రాజెక్టు చేస్తున్న సంగ‌తి తెలిసిందే. మాస్ ఎంట‌ర్‌టైన్మెంట్‌గా తీస్తున్న ఈ సినిమాకు వీర‌సింహారెడ్డి అనే టైటిల్‌ను ఫిక్స్ చేశారు మూవీ మేక‌ర్స్‌. ఇందులో బాల‌య్య స‌ర‌స‌న జోడీగా శ్ర‌తి హాస‌న్ న‌టిస్తున్నారు. ఏచ్చే ఏడాది సంక్రాంతికి ఈ సినిమా విడుద‌ల చేయాల‌ని చిత్ర యూనిట్ స‌న్నాహాలు చేస్తోంది. మ‌రోవైపు ఆహా ఓటీటీ ప్లాట్ ఫామ్‌లో అన్ స్టాప‌బుల్ టాక్ షో చేస్తూ ఇంకోవైపు సినిమాలు చేస్తూ బిజీబిజీగా గ‌డుపుతున్నారు.
