బే ఏరియా నంద‌మూరి ఫ్యాన్స్ అధ్యర్యంలో సింహాద్రి` ఇర‌వై ఏళ్ల ఫంక్ష‌న్ అద‌ర‌హో!

నంద‌మూరి తార‌క‌రామారావు అలియాస్ జూనియ‌ర్ ఎన్టీఆర్, భూమిక కాంబినేష‌న్‌లో దిగ్గ‌జ ద‌ర్శ‌కుడు రాజ‌మౌళి ద‌ర్శ‌క‌త్వంలో వ‌చ్చిన సూప‌ర్ హిట్ మూవీ సింహాద్రి.

ఈ సినిమా విడుద‌లై 20 ఏళ్లు పూర్తి చేసుకుంది.

2003 లో ఎస్. ఎస్. రాజమౌళి దర్శకత్వంలో విడుదలైన విజయవంతమైన చిత్రం.

జూనియర్ ఎన్. టి. ఆర్, భూమిక ఇందులో ప్రధాన పాత్రలు పోషించారు.

ఈ చిత్రానికి ఎం.ఎం కీరవాణి సంగీతం అందించగా, సినిమాటోగ్రఫీ రవీంద్రబాబు, ఎడిటింగ్ కోటగిరి వెంకటేశ్వరరావులు అందించారు.

2003 జూలై 9న విడుదలైన ఈ చిత్రం ఇండస్ట్రీ హిట్‌గా నిలిచింది.

ఈ చిత్రం రూ.8.5 కోట్ల బడ్జెట్‌తో నిర్మించగా ఏకంగా 26 కోట్లు వసూలు చేసింది.

అయితే ఈ సినిమా విడుద‌లై 20 ఏళ్లు పూర్తి చేసుకున్న సంద‌ర్భాన్ని పురస్కరించి అగ్ర‌రాజ్యం అమెరికాలోని బే ఏరియాలో ఉన్న నంద‌మూరి ఫ్యాన్స్ పండ‌గ చేసుకున్నారు.

కేక్ క‌ట్ చేసి, సంబ‌రాలు చేసుకున్నారు.

స్థానిక‌ థియేట‌ర్ య‌జ‌మానులు కళ్యాణ్ కోట, స్వ‌రూప్ వాసిరెడ్డి, మోహ‌న్ సుగ్గుల‌ ఉచిత సినిమా ప్ర‌ద‌ర్శ‌న‌తో పాటు డిన్న‌ర్ ఏర్పాటు చేశారు.

శ్రీకాంత్ దొడ్డపనేని, లక్ష్మణ్ పరుచూరి, సతీష్ బోళ్ల, మధు కండేపి, సాయి య‌న‌మ‌ద‌ల‌, విన‌య్ య‌ల‌మ‌ర్రి, ర‌వి ఆల‌పాటి, క‌విత ఆల‌పాటి, సాహితి గొల్ల‌పూడి, నిహారిక శింకి, ప్ర‌త్యూష జాలాది, అశోక్ కూర‌పాటి, వంశీ గొల్లపూడి, నంద‌గిరి ఫ్యాన్స్‌, చక్రధర్ అనుమోలు, నరహరి మర్నేని త‌దిత‌రులు పాల్గొన్నారు.

బే ఏరియా నంద‌మూరి ఫ్యాన్స్ ఆధ్వ‌ర్యంలో జ‌రిగిన ఈ కార్య‌క్ర‌మం అంగ‌రంగ వైభ‌వంగా సాగింది.