మాస్ ని ఆకట్టుకోవడంలో వైఎస్ కుటుంబానికి మంచి ఐడియాలుంటాయి. అన్నతో శత్రుత్వం అన్న రసవత్తర డ్రామాలో భాగంగా తెలంగాణలో కూడా ఆ కుటుంబం రాజకీయంగా పాగా వేసే ప్రయత్నం చేస్తున్న విషయం తెలిసిందే. ఈ నెలలోనే షర్మిల కొత్త పార్టీ పెట్టనున్నారు. ఈ నేపథ్యంలో దానికి భారీ ఏర్పాట్లు జరుగుతున్నాయి.
తెలంగాణలోని రాజకీయ శూన్యాన్ని బలంగా వాడుకునే ప్రయత్నం చేస్తున్న షర్మిల ముందుగా తమ కుటుంబ రాజకీయాలకు పట్టున్న ప్రాంతాలపైనే దృష్టిపెట్టారు. ఖమ్మం సభలో పార్టీ ప్రకటన అధికారికంగా చేయనున్న షర్మిల అది చరిత్రలో నిలిచిపోయేలా హడావుడి చేయనున్నారు.
1000 కార్లతో హైదరాబాదులోని లోటస్ పాండ్ నుంచి ఖమ్మం లోని బహిరంగ సభా స్థలికి భారీ ర్యాలీ తీయనున్నట్టు తెలిసి వచ్చింది. భారీ ఎత్తున జాతీయ, స్థానిక మీడియాల్లో, సోషల్ మీడియాల్లో కవరేజీ కోసం షర్మిల ఈ ప్రయత్నం చేస్తున్నారు. అంతేకాదు, సాధారణంగా లేడీ నాయకత్వం అంటే ఉండే ఒక చిన్నచూపు పోగొట్టుకోవడానికి ఒక లేడీ డాన్ మానియాను క్రియేట్ చేసే ప్రయత్నంలో భాగంగా ఈ వెయ్యి కార్ల ర్యాలీ ఏర్పాటుచేస్తున్నట్లు తెలుస్తోంది.
ఈ ర్యాలీ ఐడియా చెల్లెలిని భారీగా లాంచ్ చేయడానికి ప్రశాంత్ కిషోర్ సలహాతో జగన్ వేసిన ప్లాన్ అని పార్టీ వర్గాల సమాచారం.
