ఇటీవల కాలంలో ఏ పాటకు లేనంత ఆదరణ శేఖర కమ్ముల దర్శకత్వం వహించిన లవ్ స్టోరీ మూవీలోని ‘సారంగ దరియా’ పాటకు దక్కిందని చెప్పాలి. రికార్డుల మీద రికార్డుల్ని క్రియేట్ చేస్తున్న ఈ పాట సంచలనంగా మారింది.
ఎవరి నోట విన్నా ఈ పాట అన్నట్లుగా మారింది. నెట్ లో ఈ పాట విడుదలైన నెల లోనే ఏకంగా 20 కోట్ల వ్యూస్ ను సాధించి హాట్ టాపిక్ గా మారింది. ఇది సరిపోదన్నట్లుగా నాలుగు నెలల వ్యవధిలో 25 కోట్ల వ్యూస్ క్లబ్ లోకి తాజాగా చేరింది.
ఒక సినిమా విడుదలకు ముందే.. అందులోని ఒక పాటకు నెట్టింట ఇంత భారీగా వ్యూస్ రావటం చాలా అరుదుగా చెప్పాలి. రచయిత సుద్దాల అశోక్ తేజ సాహిత్యంలో రూపుదిద్దుకున్న ఈ పాట తెలంగాణ జానపదాన్ని.. దాన్ని పాడిన మంగ్లీ.. ఈ పాటను మరో రేంజ్ కు తీసుకెళ్లింది.
ఒక్కోసారి అన్ని అలా కుదిరిపోతాయన్నట్లుగా.. పాటకు తగ్గ గాత్రం.. దానికి సరిగ్గా సూట్ అయ్యే సంగీతం.. వీటన్నింటికి మించి సాయి పల్లవి హుషారుగా చేసిన డ్యాన్స్ మూమెంట్ అందరిని విపరీతంగా ఆకట్టుకునేలా చేశాయి.
అన్నింటికి మించి ఈ పాటలో సాయి పల్లవి కాలు కదిపిన విధానం ప్రత్యేకంగా ఉండటంతో.. యూట్యూబ్ లో అన్ని పాటలు ఉన్నా.. సారంగ దరియా సో స్పెషల్ గా మారింది. సినిమా విడుదలకు ముందే ఇన్ని రికార్డుల్ని క్రియేట్ చేస్తున్న ఈ పాట.. రిలీజ్ మరెన్ని రికార్డుల్ని క్రియేట్ చేస్తుందో చూడాలి.
