సౌత్ ఇండియా స్టార్ హీరోయిన్ సమంత నటించిన యశోద చిత్రం ఈనెల 11న ప్రపంచవ్యాప్తంగా విడుదల కానుంది. సరోగసి మాఫియా నేపథ్యంలో జరిగే చిత్రంలో యశోద పాత్రలో సమంత నటించింది. సరోగసీకి ఒప్పుకున్న యువతిగా సామ్ అదరగొట్టింది. ఆ ముఠాలో సభ్యురాలిగా కోలీవుడ్ నటి వరలక్ష్మి శరత్ కుమార్ నటించింది. ఇప్పటికే విడుదలైన ఈ చిత్ర ట్రైలర్ సినిమాపై అంచనాలను మరింత పెంచేసింది.
సరోగసీని వ్యాపారంగా మార్చి అమాయకులైన ఆడవారి జీవితాలతో ఆడుకునే ముఠా ఆటకట్టించే పాత్రలో సమంత నటించింది. ఈ చిత్ర ట్రైలర్ లో యశోద విలన్ల బారి నుండి తప్పించుకునే సీన్ ను అడవిలో చిత్రీకరించారు. ట్రైలర్ విడుదలైన తర్వాత ఆ సీన్ కు మంచి స్పందన వచ్చింది. దీంతో, అడవిలో సమంత ఉన్న సీన్ చిత్రీకరించిన వీడియోను తాజాగా చిత్ర యూనిట్ విడుదల చేసింది. ఆ సీన్ కోసం సమంత చాలా కష్టపడినట్టుగా షూటింగ్ విజువల్స్ ను చూస్తే అర్థమవుతుంది.
హరి శంకర్-హరీష్ నారాయణ్ సంయుక్తంగా దర్శకత్వం వహించిన ఈ చిత్రానికి మణిశర్మ సంగీతం అందించారు. ఈ చిత్రంలో ఉన్ని ముకుందన్, మురళీ శర్మ, సంపత్ లు కీలక పాత్రలు పోషించారు. ఈ సినిమా మొత్తానికి సెకండాఫ్ హైలైట్ గా ఉంటుందని చిత్ర నిర్మాతలు చెబుతున్నారు. సమంత కెరీర్ లో చెప్పుకోదగ్గ చిత్రంగా యశోద ఉంటుందని వారు కాన్ఫిెడెంట్ గా ఉన్నారు.
