సోషల్ మీడియా వచ్చాక సెలబ్రిటీలకు కష్టాలు పెరిగాయి. వారి ప్రైవసీ తగ్గింది. వారెక్కడకు వెళితే.. అక్కడ తిష్టవేసే ఫోటోగ్రాఫర్లు.. వీడియో గ్రాఫర్లతో వారు పడుతున్న ఇబ్బందులు అన్ని ఇన్ని కావు. కొన్ని సందర్భాల్లో హద్దులు దాటేస్తున్నా ఫోటోగ్రాఫర్లతో వారి కష్టాలు మరింత పెరుగుతున్నాయి. తమ ప్రైవేటు జీవితాల్లోకి చొచ్చుకొస్తున్న వారి తీరుపై కొన్నిసార్లు అసహనాన్ని.. మరికొన్నిసార్లు ఆగ్రహాన్ని వ్యక్తం చేస్తున్న పరిస్థితి. అసహనాన్ని సైతం అందంగా చెప్పే టాలెంట్ అందరిలో ఉండదు. అలాంటి కళ తనలో చాలానే ఉందన్న విషయాన్ని తాజాగా బాలీవుడ్ అగ్ర హీరో సైఫ్ అలీఖాన్ చెప్పేశారు.
తాజాగా వారిద్దరూ పార్టీకి వెళ్లటం.. లేట్ నైట్ లోపలకు వెళుతున్న వారిని.. ఫోటో.. ఒక్క ఫోటో అంటూ ఇబ్బంది పెడుతున్న ఫోటోగ్రాఫర్లపై అసహనాన్ని వ్యక్తం చేస్తూ.. బెడ్రూంలోకి వచ్చేయండన్న మాటతో ఉన్న వీడియో ఇప్పుడు వైరల్ గా మారింది. .ఇంతకూ అసలేం జరిగిందన్న విషయంలోకి వెళితే.. మలైకా అరోరా తన తల్లి 70వ పుట్టినరోజు వేడుకలను నిర్వహించారు. దీనికి పలువురు సినీనటుల్ని ఆహ్వానించారు. ఇందులో భాగంగా బాలీవుడ్ బ్యూటీఫుల్ జంట సైఫ్ అలీఖాన్.. కరీనా కపూర్ లు వెళ్లారు. పార్టీ నుంచి తిరిగి వచ్చి.. ఇంటికి వచ్చేసిన వీరిని అక్కడే ఉన్న ఫోటో గ్రాఫర్లు.. వెంబడిస్తూ.. ఒక్క ఫోటో.. ఒక్క ఫోటో అంటూ ఇబ్బంది పెట్టేశారు.
ఇంట్లోకి వెళుతున్న సైఫ్ వారి మాటలకు.. ఓ పని చేయండి బెడ్రూంలోకి వచ్చేయండంటూ తన అసహనాన్ని కాస్తంత నెమ్మదిగా చెప్పారు. దీనికి ఒక ఫోటో గ్రాఫర్ స్పందిస్తూ.. సార్.. మీరంటే మాకిష్టం అంటూ వ్యాఖ్యానించారు. దీనికి వెంటనే బదులిచ్చిన సైఫ్.. మీరంటే మాకెంతో ఇష్టమంటూనే లోపలకు వెళ్లారు. బెడ్రూంలోకి రండంటూ సైఫ్ అన్న మాటలకు కరీనా కపూర్ చిన్నగా నవ్వటం వీడియోలో కనిపిస్తుంది. తనకున్న అసహనాన్ని ఆగ్రహంతో కాకుండా అందంగా చెప్పటం.. దానికి ఫోటోగ్రాఫర్ స్పందించిన తీరు ఈ వీడియో వైరల్ గా మారింది. ఏమైనా సెలబ్రిటీలకు ఉండే చిరాకులు ఎంతలా ఉంటాయన్న దానికి నిదర్శనంగా ఈ వీడియోను చెప్పొచ్చు.
#saifalikhan #KareenaKapoorKhan Ek Kaam Kariyega Hamare Bedroom me Aaiye ❤️ @viralbhayani77 pic.twitter.com/XXJVhSz4kP
— Viral Bhayani (@viralbhayani77) March 3, 2023
