టీడీపీ అధినేత చంద్ర‌బాబుతో త‌మిళ సూప‌ర్ స్టార్‌..ర‌జ‌నీకాంత్ భేటీ అయ్యారు. దీనికి సంబంధించిన ఫొటో ఒక‌టి స్వ‌యంగా ఆయ‌నే పోస్టు చేశారు. తాను చంద్ర‌బాబును క‌లుసుకున్నాన‌ని.. తెలిపారు. అంతే కాదు.. రాజ‌కీయ‌జీవితంలో స‌క్సెస్ అందుకోవాల‌ని ఆకాంక్షిస్తున్న‌ట్టు రజనీ పేర్కొన్నారు. ప్ర‌స్తుతం ఇది ఏపీ రాజ‌కీయాల్లో చ‌ర్చ‌కు దారితీసింది.
చంద్ర‌బాబుతో ర‌జ‌నీకి చాలా ఏళ్లుగా అనుబంధం ఉంది. అదేస‌మ‌యంలో సీఎం జ‌గ‌న్‌తోనూ ర‌జ‌నీకి సంబంధాలు ఉన్నాయి. అయితే.. ప్ర‌త్యేకంగా చంద్ర‌బాబును ఆయ‌న హైద‌రాబాద్‌లో క‌లుసుకోవ‌డం.. ఏపీ రాజ‌కీయాల‌పై చ‌ర్చించ‌డం గ‌మ‌నార్హం. ప్ర‌స్తుతం ఏపీలో మారుతున్న రాజ‌కీయ ప‌రిణామాల నేప‌థ్యంలో చంద్ర‌బాబును సినీ రంగం బ‌ల‌ప‌రుస్తుందా? లేదా? అనేది సందేహంగా ఉంది.
ఇలాంటి కీల‌కస‌మ‌యంలో టాలీవుడ్ కు చెందిన న‌టుడు కాన‌ప్ప‌టికీ.. రాజ‌కీయంగా ప్ర‌భావం చూప‌గ‌ల రజనీ చంద్ర‌బాబుతో భేటీ కావ‌డం ఆస‌క్త‌గా మారింది. నేరుగా చంద్ర‌బాబును బ‌ల‌ప‌ర‌చ‌మ‌ని.. ఆయ‌న చెప్ప‌క‌పోయినా.. చంద్ర‌బాబు స‌క్సెస్ కావాల‌ని ఆకాంక్షిస్తున్న‌ట్టు పేర్కొన‌డం రాజ‌కీయంగా ఖ‌చ్చితంగా చంద్ర‌బాబుకు క‌లిసి వ‌స్తుంద‌ని అంటున్నారు ప‌రిశీల‌కులు.
విజ‌న్ ఉన్న నాయ‌కుడిగా చంద్ర‌బాబుకు మేధావుల్లో మంచి పేరుంది. ఈ నేప‌థ్యంలో చంద్ర‌బాబుకు ర‌జ నీ వంటివారి ప‌రోక్ష మ‌ద్ద‌తు.. పెన్సిలిన్ ఇంజ‌క్ష‌న్ మాదిరిగా ఉప‌యోగ‌ప‌డుతుంద‌ని అంటున్నారు. పైగా.. రజనీ స్వ‌యంగా చంద్ర‌బాబును విజ‌యం దిశ‌గా న‌డ‌వాల‌నికోరుకుంటున్న‌ట్టు చెప్ప‌డం కూడా.. ఏపీలో ప్ర‌భుత్వం మార్పును ఆయ‌న ప‌రోక్షంగా కోరుకుంటున్న‌ట్టుగానే భావించాల్సి ఉంటుంది. సో.. చంద్ర‌బాబు-రజనీ భేటీ.. ఏపీలో ఖ‌చ్చితంగా ప్ర‌భావం చూపుతుంద‌ని అంటున్నారు ప‌రిశీల‌కులు.
