రాధేశ్యామ్‌ సినిమా సంక్రాంతికి విడుదల కాబోతోంది. కొత్త అప్‌డేట్స్‌ కోసం అభిమానగణం ఎంతో ఆశగా ఎదురు చూస్తోంది. అడగ్గా అడగ్గా ఈమధ్యనే ఓ పాట వదిలారు. త్వరలో మరో పాట రాబోతోందని చెబుతున్నారు. అయితే అది ఏ పాట, ఎప్పుడొస్తుంది వంటి వివరాలేమీ తెలియదు. దాంతో ఫ్యాన్స్‌ నిరుత్సాహం ఎప్పటిలానే కంటిన్యూ అవుతోంది.
అయితే ఈ సినిమా గురించి ఎవరైనా కాస్త ఎక్కుసార్లు మాట్లాడారు అంటే అది ఒకే ఒకరు.. భాగ్యశ్రీ. ప్రభాస్ తల్లి పాత్రకి తనను తీసుకున్నారు. ఎప్పుడైతే ఆమె సెట్‌లో జాయినయ్యారో.. అప్పటి నుంచి ఏదో ఒక విషయం మీద మాట్లాడేవారు భాగ్యశ్రీ.
ఓ ఇంటర్వ్యూలో ప్రభాస్ గురించి డిస్కస్ చేశారు. మరో సందర్భంలో కో ఆర్టిస్టుల గురించి చెప్పారు. అప్పుడప్పుడు షూటింగ్ విషయాలు కూడా షేర్ చేశారు. ఇప్పుడు మూవీలోని తన స్టిల్‌ను నెట్‌లో పోస్ట్ చేశారు.
ఓ పెద్ద బంగ్లాలో నటరాజస్వామి ఎదురుగా భాగ్యశ్రీ నాట్యం చేస్తున్నప్పుడు తీసిన ఫొటో అది. షూటింగ్ మొదటి రోజున తీశారట. ‘ప్రపంచమే ఓ నాటకరంగం. అందులో మనమంతా పాత్రధారులం. ఎవరి పాత్రను వాళ్లు పోషించాలి’ అని కోట్ చేస్తూ ఆ స్టిల్‌ని పోస్ట్ చేశారామె.
మంచి షాట్ తీసిన సినిమాటోగ్రాఫర్‌ మనోజ్ పరమహంసకి థ్యాంక్స్ కూడా చెప్పారు. అయితే భాగ్యశ్రీది తల్లి పాత్ర అనే ఇంతవరకు తెలుసు. కానీ ఇప్పుడిలా డ్యాన్సర్‌‌గా కనిపించడం సర్‌‌ప్రైజ్ చేసింది. ఆమె క్యారెక్టర్‌ ఏమై ఉంటుందా అనే ఆసక్తి కలుగుతోంది.
నిజానికి ఇప్పటి వరకు ఈ మూవీ గురించి రిలీజ్‌ చేసిన ప్రతి అప్‌డేట్‌ సస్పెన్స్‌నే మెయింటెయిన్‌ చేసింది తప్ప కథ విషయంలో కానీ, పాత్రల విషయంలో కానీ ఎటువంటి క్లారిటీ రాలేదు. మొన్న రిలీజ్‌ చేసిన ఈ రాతలే సాంగ్ అయితే చాలామందికి అర్థమే కాలేదు.
దాంతో అసలీ సినిమా ఎలాంటి కాన్సెప్ట్‌తో వస్తోందో అనే క్యూరియాసిటీ అంతకంతకు పెరుగుతోంది ప్రేక్షకులకి. మరి ట్రైలర్‌ ద్వారా ఏమైనా క్లారిటీ ఇస్తారో లేక డైరెక్ట్‌గా సినిమా చూసి తెలుసుకోమంటారో.
