ప్రస్తుతం ఈ టెక్ జమానాలో సోషల్ మీడియాకు, టెక్నాలజీకి రెండు వైపులా పదునుంది. ఈ రెండింటినీ చాలామంది మంచి పనులకు ఉపయోగిస్తుంటే…మరి కొందరు తమ పైశాచికత్వంతో చెడుపనులకు వాడుతున్నారు. టెక్నాలజీని అడ్డుపెట్టుకొని స్పై కెమెరాలతో ప్రముఖుల వ్యక్తిగత వీడియోలు, నగ్న వీడియోలు లీక్ చేయడం….కుదరకపోతే మార్ఫింగ్ వంటివి చేసి వారిని బ్లాక్ మెయిల్ చేయడం కొందరికి పరిపాటిగా మారింది. ఈ క్రమంలోనే పాకిస్తాన్‌ మహిళా ఎమ్మెల్యే సానియా ఆషిక్ కు చెందిన ఓ అశ్లీల వీడియో సోషల్ మీడియాలో వైరల్ అయింది.
పాకిస్తాన్‌ లో ఉన్నా పంజాబ్‌లోని తక్షిలా అసెంబ్లీ నియోజకవర్గానికి చెందిన పాకిస్థాన్ ముస్లిం లీగ్-నవాజ్ (పీఎంఎల్-ఎన్)కి చెందిన సానియా ఆషిక్ అనే మహిళా ఎమ్మెల్యే ఈ వ్యవహారంలో బాధితురాలిగా మారారు. ఆ వీడియో వైరల్ అయినప్పటి నుంచి సానియాకు అసభ్య ఫోన్‌ కాల్స్‌ వస్తున్నాయని తెలిసింది. ఆమెకు చెందిన అశ్లీల వీడియో ఒకటి వెలుగు చూడగా…ఆమె పోలీసులకు ఫిర్యాదు చేశారు. దీంతో, ఈ ఘటనకు బాధ్యులైన ఒకరిని అరెస్ట్‌ చేసినట్లు తెలుస్తోంది.
ఎవరో కావాలనే తన పరువు ప్రతిష్టలకు భంగం కలిగిస్తున్నారని, ఆ వీడియోలో తనని మార్ఫ్‌ చేశారని సానియా తెలిపారు. కానీ, నెటిజన్లు మాత్రం ఆ వీడియోలో ఉన్న ఎమ్మెల్యే సానియానే అంటున్నారు. అయితే, నెటిజన్ల వ్యాఖ్యలను ఆమె ఖండించారు. అయితే, వీడియోలోని స్త్రీ సానియానా లేక వేరే మహిళా అన్నదానిపై పోలీసులు దర్యాప్తు చేస్తున్నారు. కాగా, పాక్‌ మాజీ ప్రధాని నవాజ్ షరీఫ్‌ కుమార్తె మరియంకు సానియా స్నేహితురాలు.
