నెల్లూరు టు మంగళగిరి.. ఎటు చూసినా పసుపు రంగే

నెల్లూరు నుంచి మంగళగిరి వరకు టీడీపీ పాటలతో నేషనల్ హైవే మార్మోగుతోంది. రయ్య్ రయ్య్ మని దూసుకెళ్తున్న వందలాది కార్లు, వాటిపై ఎగురుతున్న పసుపు జెండాలు టీడీపీ దూకుడును చాటుతున్నాయి.

వైసీసీ రెబల్ ఎమ్మెల్యే కోటంరెడ్డి శ్రీధర్ రెడ్డి తమ్ముడు గిరిధర్ సుమారు 350 కార్లతో నెల్లూరు నుంచి ర్యాలీగా మంగళగిరికి బయలుదేరడంతో దారిపొడవునా తెలుగుదేశం హడావుడి కనిపిస్తోంది. గిరిధర్ రెడ్డి ఈ రోజు మధ్యాహ్నం చంద్రబాబు సమక్షంలో తెలుగుదేశం పార్టీలో చేరబోతున్నారు.

నెల్లూరు నగరంలోని కస్తూరి గార్డెన్స్ దగ్గర మొదలైన గిరిధర్ రెడ్డి ర్యాలీ మంగళగిరి వరకు కొనసాగనుంది. ర్యాలీ ప్రారంభం సందర్భంగా గిరిధర్ రెడ్డి మాట్లాడుతూ.. కొన్నాళ్లుగా వైసీపీలో తమకు ఎదురవుతున్న ఇబ్బందులన్నీ చెప్పారు. తమ అన్న ప్రజాసమస్యలను జగన్ దృష్టికి తీసుకెళ్లినా ప్రభుత్వం ఏవీ పరిష్కరించలేదని.. తమను పట్టించుకోవడం లేదని ఆరోపించారు.

కాగా గిరిధర్ రెడ్డి ర్యాలీ సందర్భంగా నెల్లూరు అంతటా పెద్దఎత్తున టీడీపీ ఫ్లెక్సీలు ఏర్పాటు చేశారు. ర్యాలీ సాగుతున్న మార్గంలోనూ హైవేపై ప్రకాశం జిల్లా, గుంటూరు జిల్లాలోనూ స్వాగత ఫ్లెక్సీలు ఏర్పాటు చేశారు. గిరిధర్ రెడ్డి చేరిక సందర్భంగా దక్షిణ కోస్తా అంతటా టీడీపీలో జోష్ కనిపిస్తోంది.

గిరిధర్ రెడ్డి చేరిక తరువాత శ్రీదర్ రెడ్డి కూడా త్వరలోనే టీడీపీ తీర్థం పుచ్చుకుంటారని తెలుస్తోంది. నిన్న జరిగిన ఎమ్మెల్సీ ఎన్నికలలోనూ కోటంరెడ్డి శ్రీధర్ రెడ్డి తాను ఆత్మప్రభోధం మేరకు ఓటేశానని చెప్పారు. చాలాకాలంగా ఆయన జగన్ పైనా, ఆయన సలహాదారులపైనా మండిపడుతున్నారు. వరుస ప్రెస్ మీట్లతో నిత్యం ఆరోపణలు చేస్తున్నారు.

నేడు చంద్రబాబు సమక్షంలో TDPలో చేరనున్న కోటంరెడ్డి గిరిధర్ రెడ్డి – వైసీపీ రెబల్ ఎమ్మెల్యే కోటంరెడ్డి శ్రీధర్ రెడ్డి సోదరుడు గిరిధర్ రెడ్డి – నెల్లూరు నగరంలో భారీ ర్యాలీ నిర్వహించేందుకు ఏర్పాట్లు – నెల్లూరులో చంద్రబాబు, లోకేశ్, గిరిధర్‍రెడ్డి ఫోటోలతో భారీ ఫ్లెక్సీలు🔥🔥🔥 pic.twitter.com/8CgRczXWBy

— KUPPAM—TDP (@KuppamTdp) March 24, 2023

ఇవాళ టీడీపీలో చేరనున్న కోటంరెడ్డి గిరిధర్ రెడ్డి..

త్వరలో టీడీపీలో చేరుతానన్న ఎమ్మెల్యే కోటంరెడ్డి శ్రీధర్ రెడ్డి. pic.twitter.com/4MFDP1sZpa

— Venu M Popuri (@Venu4TDP) March 24, 2023