ఈ పాత ఇంగ్లిష్ నాటు పాట చూస్తే మైండ్ బ్లాకే!

యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ తేజ్ ల కాంబోలో దర్శక ధీరుడు ‘మహారాజ’మౌళి తెరకెక్కించిన ‘ఆర్ఆర్ఆర్’ చిత్రం బాక్సాఫీస్ దగ్గర కలెక్షన్ల మోత మోగించిన సంగతి తెలిసిందే. నాటు నాటు పాటకు తారక్, చెర్రీలు నువ్వా నేనా అన్నట్లు పోటీపడి నటించడం…రాజమౌళి మరోసారి తన మార్క్ డైరెక్షన్ తో మెప్పించడంతో ఈ చిత్రం అమెరికా సహా ఓవర్సీస్ లోని ప్రేక్షకులనూ ఆకట్టుకుంది. ఈ సినిమాతో చెర్రీ, తారక్ లు పాన్ ఇండియాతో పాటు పాన్ వరల్డ్ హీరోలుగా మారిపోయారు.

దీంతో, ఈ సారి ఆస్కార్ బరిలో ఆర్ఆర్ఆర్ కు అవార్డుల పంట పండుతుందని భారీ అంచనాలున్నాయి. ఈ క్రమంలోనే ఆ పాట గోల్డెన్ గ్లోబ్ అవార్డు దక్కించుకొని తెలుగోడి సత్తా చాటింది. అంతేకాదు, ఆస్కార్ అవార్డులకు ఆర్ఆర్ఆర్ చిత్రంంలోని నాటు నాటు పాట షార్ట్ లిస్ట్ అయింది. బెస్ట్ ఒరిజినల్ సాంగ్ కేటగిరిలో ఆర్ఆర్ఆర్ చిత్రం నుంచి ఆ పాట షార్ట్ లిస్ట్ అయింది. అయితే, చాలా ఏళ్ల క్రితమే నాటు పాటలోని స్టెప్పుల తరహాలో ఉన్న మరో ఇంగ్లిషు పాట ఇపుడు వైరల్ అవుతోంది.

తాజాగా ఆ పాత నాటు పాటను వ్యాపార దిగ్గజం ఆనంద్ మహీంద్రా తన ట్విటర్ ఖాతాలో పోస్ట్ చేశారు. ఆ పాటలో ఇద్దరు హాస్య నటులు లారెల్, హార్డీలు అచ్చు చెర్రీ, తారక్ ల మాదిరిగానే రిథమిక్ గా డ్యాన్స్ చేశారు. నాటు నాటు పాటను పోలినట్లుగా ఆ పాటలో స్టెప్పులుండడం విశేషం. నాటు నాటు పాట చూస్తే ఎవరూ ఆగలేరు.. అంటూ మహేంద్ర ఆ పోస్ట్ కు క్యాప్షన్ పెట్టారు. ‘‘లారెల్, హార్డీ ఆర్ఆర్ఆర్ డ్యుయో మాదిరి ఎనర్జీ చూపించలేకపోవచ్చు. అలా అని వారేమీ చెత్తగా డ్యాన్స్ చేయలేదు’’ అని ఆనంద్ మహీంద్రా ట్వీట్ చేశారు. ప్రస్తుతం ఈ వీడియో క్లిప్ వైరల్ గా మారింది.

No one is immune from the catchiness of #NaatuNaatu. Not even inhabitants of the past..😄 L&H may not have the same energy as the #RRR duo but they’re not bad! Enjoy the #FridayFeeling pic.twitter.com/9tMSfAKux5

— anand mahindra (@anandmahindra) January 13, 2023