హైదరాబాద్ మహానగరానికి రేవ్ పార్టీ కొత్తేం కాదు. నగర శివారులోనూ.. ఫాంహౌస్ లలోనూ తరచూ జరుగుతుంటాయి. కొద్ది కాలం క్రితం జరిగిన ఒక రేవ్ పార్టీకి చెందిన వీడియో ఒకటి లీక్ అయ్యింది. సోషల్ మీడియాలోనూ.. వాట్సాప్ గ్రూపుల్లో వైరల్ గా మారిన ఈ వీడియోలు ఇప్పుడు సంచలనంగా మారాయి. హైదరాబాద్ పాతబస్తీలో మజ్లిస్ నేత ఏర్పాటు చేసిన ఈ రేవ్ పార్టీలో.. పెద్ద ఎత్తున వ్యాపారులు.. నేతలు.. కార్యకర్తలతో పాటు పలువురు పాల్గొన్నట్లుగా చెబుతున్నారు.
ఈ పార్టీ కోసం వివిధ రాష్ట్రాలకు చెందిన అమ్మాయిల్ని తీసుకొచ్చినట్లుగా చెబుతున్నారు. వైరల్ గా మారిన వీడియోలతో పోలీసులు ఒక్కసారిగా ఉలిక్కిపడ్డారు. చాంద్రాయణగుట్టలో నిర్వహించిన ఈ రేవ్ పార్టీ ఇప్పుడు హాట్ టాపిక్ గా మారింది. గానా బజానా.. అశ్లీల నృత్యాలతో అదరగొట్టేసిన ఈ పార్టీలో మద్యం భారీగా సరఫరా అయినట్లుగా తెలుస్తోంది. చట్టవిరుద్ధంగా సాగిన ఈ పార్టీకి సంబంధించిన వివరాల్ని హైదరాబాద్ పోలీసులు సేకరిస్తున్నారు.
చాంద్రాయణ గుట్టలోని ఒక ఇంట్లో దీన్ని గుట్టుచప్పుడు కాకుండా అరేంజ్ చేశారని.. ఈ కారణంతోనే తమ వరకు రాలేదని నిఘా విభాగం పోలీసులు చెబుతున్నారు. ఫిబ్రవరి 13న జరిగిన ఈ పార్టీకి చెందిన వీడియో లీక్ కావటంతో.. ఇప్పుడీ ఉదంతం హాట్ టాపిక్ గా మారింది. మజ్లిస్ పార్టీకి చెందిన పర్వేజ్ అనే స్థానిక నేత ఒకరు.. తన స్నేహితులతో కలిసి ఈ రేవ్ పార్టీని నిర్వహించినట్లు చెబుతున్నారు.
