టాలీవుడ్ హీరోల్లో సూపర్ స్టార్ మహేష్ బాబు తీరే వేరు.
ప్రిన్స్ మహేష్ ఓ పక్క లో ప్రొఫైల్ మెయింటెన్ చేస్తూనే అకేషనల్ గా ఫ్యాన్స్ కోసం తన ఫ్యామిలీ పిక్స్ పెడుతూ వారిలో జోష్ నింపుతుంటాడు.
కొన్ని ప్రత్యేక సందర్భాల్లో తన ఫ్యాన్స్ కు ఈ టక్కరిదొంగ సర్ ప్రైజ్ లు ఇస్తూ వారిని ఎంటర్ టైన్ చేస్తుంటాడు.
ఇక, తన తండ్రి సూపర్ స్టార్ కృష్ణ పుట్టినరోజు సందర్భంగా ప్రతి ఏడాది ఫ్యాన్స్ కు ఏదో ఓ గిఫ్ట్ ఇవ్వడం మహేష్ కు అలవాటు.
గత ఏడాది పరశురామ్ దర్శకత్వంలో తెరకెక్కుతోన్న ‘సర్కారు వారి పాట’ సినిమా టైటిల్ ని ప్రకటించిన ప్రిన్స్…కృష్ణగారి బర్త్ డేకు గిప్ట్ ఇచ్చి ఫ్యాన్స్ ను సర్ ప్రైజ్ చేశాడు.
అలాగే ఈ ఏడాది కూడా అలనాటి సూపర్ స్టార్ బర్త్ డే సందర్భంగా ఫ్యాన్స్ కు కిక్ ఇచ్చేందుకు మహేష్ ఏదో ఒక సర్ ప్రైజ్ ప్లాన్ చేసుంటాడని ఫిల్మ్ నగర్ లో పుకార్లు చక్కర్లు కొడుతున్నాయి.
ప్రస్తుతం షూటింగ్ జరుపుకుంటోన్న ‘సర్కారు వారి పాట’ నుండి ఇప్పటివరకు పోస్టర్స్ తప్ప మరేమీ రిలీజ్ కాలేదు.
దీంతో, కృష్ణగారి పుట్టినరోజు సందర్భంగా ఈ మూవీ టీజర్ లేదంటే ఫస్ట్ లుక్ పోస్టర్ తో పాటు ఇటీవల దుబాయ్ లో జరిగిన షూటింగ్ మేకింగ్ వీడియో విడుదల చేయటానికి నిర్ణయించినట్లు తెలుస్తోంది.
దీంతోపాటు, త్రివిక్రమ్ – మహేష్ కాంబోలో తెరకెక్కుతోన్న చిత్రం టైటిల్ లేదా ఫస్ట్ లుక్ పోస్టర్, మరేదైనా ఇంటరెస్టింగ్ అప్డేట్ రిలీజ్ కావొచ్చని అనుకుంటున్నారు.
మరి, ఈ సర్ ప్రైజ్ సస్పెన్స్ వీడాలంటే మే 31 వరకు వెయిట్ చేయక తప్పదు మరి.
14 రీల్స్ ప్లస్ మైత్రి మూవీ మేకర్స్, జిఎంబి ఎంటర్ టైన్మెంట్స్ సంస్థలు సంయుక్తంగా సర్కార్ వారి పాట చిత్రాన్ని ప్రతిష్టాత్మకంగా తెరకెక్కిస్తున్నాయి.
పరశురామ్ డైరెక్షన్ లో మహేష్ సరసన కీర్తి సురేష్ నటిస్తోంది.
బ్యాంకింగ్ రంగంలో జరిగిన పలు కుంభకోణాల నేపథ్యంలో ఓ సందేశాత్మక చిత్రంగా దీనిని పరశురామ్ రూపొందిస్తున్నారట.
అన్నీ అనుకూలిస్తే ఈ మాస్ కమర్షియల్ ఎంటర్టైనర్ ను వచ్చే ఏడాది సంక్రాంతికి విడుదల చేయాలనుకున్నారు.
