టీడీపీ జాతీయ ప్రధాన కార్యదర్శి నారా లోకేష్ కుటుంబ సమేతంగా శ్రీశైల భ్రమరాంబ మల్లికార్జున స్వామి వారిని దర్శించుకున్నారు. మల్లికార్జున స్వామి, భ్రమరాంబ అమ్మవార్లకు ప్రత్యేక పూజలు నిర్వహించనున్నారు. సాంప్రదాయ దుస్తులలో లోకేష్, నారా బ్రాహ్మణి, నారా దేవాన్ష్ లు దైవ దర్శనం చేసుకున్న ఫొటోలు సోషల్ మీడియాలో వైరల్ గా మారాయి.
గుడికి వెళ్లే వారు ఈ రకంగా సంప్రదాయ దుస్తుల్లో వెళతారని, తెలుగుదనం ఉట్టిపడేలా గుడికి వెళ్లాలని సోషల్ మీడియాలో కామెంట్లు వస్తున్నాయి. సనాతన హిందూ ధర్మాన్ని నమ్మే హిందువులు గుడికి ఇలా వస్తారని లోకేష్, బ్రాహ్మణి దంపతులపై ప్రశంసలు కురుస్తున్నాయి.
