రాబోయే ఎన్నికల్లో టీడీపీ, జనసేనలు కలిసి పోటీ చేస్తాయని జనసేనాని పవన్ కళ్యాణ్ సంచలన ప్రకటన చేసిన సంగతి తెలిసిందే. ఈ క్రమంలోనే మీడియాతో మాట్లాడిన నారా లోకేష్ …జనసేన, టీడీపీల పొత్తుపై ఆసక్తికర వ్యాఖ్యలు చేశారు. జనసేన, టీడీపీల పొత్తు రాష్ట్ర చరిత్రలో కీలక నిర్ణయం అని, కలిసికట్టుగా వైసీపీ ప్రభుత్వంపై పోరాడుతామని లోకేష్ స్పష్టం చేశారు. రాష్ట్రాభివృద్ధి కోసం, రాష్ట్ర భవిష్యత్తు కోసం ఎటువంటి భవిష్యత్ కార్యచరణపై చంద్రబాబు, పవన్ లు చర్చించారని అన్నారు. త్వరలో టీడీపీ, జనసేన జాయింట్ యాక్షన్ కమిటీని ఏర్పాటు చేస్తామని లోకేష్ ప్రకటించారు. టీడీపీ, జనసేన కలిసి వైసీపీ అరాచకాలను అడ్డుకునేందుకు యుద్ధానికి సిద్ధమని లోకేష్ ప్రకటించారు.
చట్టాలను చుట్టాలుగా మారిస్తే సివిల్ వార్ మొదలు పెట్టాల్సిందేనని, వైసీపీ ప్రభుత్వంపై యుద్ధం మొదలుబెట్టాలని చంద్రబాబు, పవన్ కళ్యాణ్, బాలకృష్ణ తాను కలిసి నిర్ణయించుకున్నామని లోకేష్ వెల్లడించారు. రాష్ట్రంలో యుద్ధ వాతావరణం సృష్టిస్తున్నారని, ప్రజల తరఫున పోరాడుతున్న టీడీపీ అధినేత చంద్రబాబుపై, టీడీపీ నేతలపై కేసులు పెడుతున్నారని ఆరోపించారు. యువగళంపై దాడి చేసి టీడీపీ శ్రేణులుపైన కేసులు పెట్టారని మండిపడ్డారు. అమరావతి రైతులపై ఎస్సీ, ఎస్టీ అట్రాసిటీ కేసులు పెట్టారని ధ్వజమెత్తారు. ప్రభుత్వ అరాచకాలపై పోరాడిన చంద్రబాబు పై హత్యాయత్నం కేసు పెట్టారని నిప్పులు చెరిగారు. జైలు లోపల ఉన్నా జగన్ కు చంద్రబాబు చెమటలు పట్టిస్తున్నారని అన్నారు.
జగన్ ప్రతి తప్పును ప్రజాక్షేత్రంలో ఎండగడతామని లోకేష్ వార్నింగ్ ఇచ్చారు. తన తల్లిని అవమానించారని, తనను దూషించారని, బ్రాహ్మణిపై కూడా సోషల్ మీడియాలో పోస్టులు పెట్టారని ఆగ్రహం వ్యక్తం చేశారు. పవన్ ప్యాకేజీ తీసుకున్నట్టు ఒక్క ఆధారమైనా చూపాలని, నిరాధార ఆరోపణలు చేయడం వైసీపీకి అలవాటేనని లోకేష్ ఆగ్రహం వ్యక్తం చేశారు. ప్రభుత్వం చేతిలోనే ఇంటెలిజెన్స్, సిఐడి ఉన్నాయని, దర్యాప్తు చేసి ఆధారాలు బయటపెట్టాలని మండిపడ్డారు.
వైసీపీ ప్రభుత్వంలో అందరూ బాధితులుగా మారారు. టీడీపీ, జనసేన ఉమ్మడి కార్యాచరణ మొదలు పెడతాం. వైసీపీ చేసే ప్రతి తప్పును ప్రజా క్షేత్రంలో ఎండగడతాం – టీడీపీ జాతీయ ప్రధాన కార్యదర్శి నారా లోకేశ్ గారు #TDPJSPTogether#APvsJagan#IAmWithBabu#PeopleWithNaidu#FalseCasesAgainstNaidu… pic.twitter.com/Lu28JfyZ4J
— Telugu Desam Party (@JaiTDP) September 14, 2023
వచ్చే ఎన్నికల్లో టీడీపీ, జనసేన కలిసి పోటీ చేస్తాయి – జనసేన అధినేత పవన్ కల్యాణ్ గారు #TDPJSPTogether#APvsJagan#IAmWithBabu #PeopleWithNaidu#FalseCasesAgainstNaidu #CBNWillBeBackWithABang pic.twitter.com/nqCKOcQIjM
— Telugu Desam Party (@JaiTDP) September 14, 2023
విజన్ 2020తో సైబరాబాద్ అనే ఒక కొత్త నగరాన్ని నిర్మించిన ఘనత చంద్రబాబు గారిది. లక్షల కోట్ల సంపద సృష్టించిన చంద్రబాబు గారిపై రూ.317 కోట్ల స్కాం అంటూ అభియోగం మోపడం బాధాకరం – జనసేన అధినేత పవన్ కళ్యాణ్ గారు#IAmWithBabu#PeopleWithNaidu#FalseCasesAgainstNaidu #CBNWillBeBackWithABang pic.twitter.com/8k5XC0XMyZ
— Telugu Desam Party (@JaiTDP) September 14, 2023
