బాహుబలి సినిమా తర్వాత టాలీవుడ్ స్టార్ హీరో ప్రభాస్…ఒక్కసారిగా పాన్ ఇండియా హీరోగా మారిపోయాడు. బాలీవుడ్ లో ఆదిపురుష్ వంటి ప్రతిష్టాత్మక ప్రాజెక్టులో నటిస్తున్న ప్రభాస్…అక్కడి వారందరికీ సుపరిచితుడే. ఈ క్రమంలోనే ప్రభాస్ తన బాలీవుడ్ సినీ మిత్రులకు ఆంధ్రా, హైదరాబాదీ వంటకాలను రుచిచూపిస్తూ ఉంటాడు. ఈ క్రమంలోనే బాలీవుడ్ స్టార్ కపుల్ సైఫ్ అలీఖాన్, కరీనా కపూర్ దంపతులకు ప్రత్యేకంగా తయారు చేయించిన బిర్యానీ పంపించాడు ప్రభాస్.
ఆ బిర్యానీని లొట్టలేసుకొని తిన్న కరీనా కపూర్ దంపతులు…ప్రభాస్ ని ప్రశంసల్లో ముంచెత్తారు. బిర్యానీ అదిరిందంటూ బెబో…తన ఇన్ స్టా ఖాతాలో పోస్ట్ చేసింది. బాహుబలి బిర్యానీ పంపితే అది ఎంత గొప్పగా ఉంటుందో…థ్యాంక్ యూ ప్రభాస్ అంటూ బెబో పెట్టిన పోస్ట్ వైరల్ అయింది. ఆదిపురుష్ చిత్రంలో ప్రభాస్ రాముడిగా నటిస్తుండగా…రావణాసురుడి పాత్రను సైఫ్ అలీఖాన్ చేస్తున్నారు.
సెట్స్ లో సైఫ్ తో దోస్తీ కుదరడంతో ప్రభాస్ సైఫ్, కరీనాల కోసం స్పెషల్ బిర్యానీ పంపంచి సర్ ప్రైజ్ చేశాడు. ఇలా తన కోస్టార్స్ ను వెరైటీ వంటకాలతో సర్ ప్రైజ్ చేయడం ప్రభాస్ కిదే తొలిసారి కాదు. సాహో చిత్రంలో తనతో నటించిన శ్రద్దా కపూర్ కూ ప్రభాస్ ఓ రుచికరమైన వంటకం పంపి ఫిదా చేశాడు. ఇక, రాధే శ్యామ్ చిత్రంలో ఓ కీలక పాత్ర పోషిస్తున్న భాగ్యశ్రీకి ప్రభాస్ ఆమె ఫేవరెట్ డిష్ తో ట్రీట్ ఇచ్చి మెస్మరైజ్ చేశాడు.
