సమంత రూత్ ప్రభు… దక్షిణాదిలోని అగ్ర హీరోయిన్లలో ఒకరిగా కొనసాగుతున్న సమంత సోషల్ మీడియాలో యాక్టివ్గా ఉంటుందన్న సంగతి తెలిసిందే. తనకు సంబంధించిన, తన సినిమాలకు సంబంధించిన అప్డేట్లను ఎప్పటికప్పుడు ఫ్యాన్స్ తో పంచుకోవడం సామ్ కు అలవాటు. అందుకే సమంతకు సోషల్ మీడియాలో విపరీతమైన ఫాలోయింగ్ ఉంది. అయితే, ఇటీవల వరుసగా పాన్ ఇండియా, తెలుగు సినిమా షూటింగ్ లతో బిజీగా ఉన్న సమంత ఈ మధ్య కొంత గ్యాప్ తీసుకున్నట్టుగా టాక్ వచ్చింది.
సమంత ఆరోగ్యం బాగోలేదని, చర్మ సంబంధిత సమస్యలతో ఇబ్బందిపడుతుందంటూ సోషల్ మీడియాలో రూమర్లు వస్తున్నాయి. కానీ, ఆ వార్తలను సమంత మేనేజర్ ఖండించారు. అయితే, సమంత నటిస్తున్న పాన్ ఇండియా సినిమాల షూటింగులు కూడా కొంత వాయిదా పడడంతో ఆ పుకార్లు నిజమేమోనని నెటిజన్లు కామెంట్ చేస్తున్నారు. ఈ నేపథ్యంలోనే తాజాగా ఆ పుకార్లకు చెక్ పెట్టేలా సమంత షేర్ చేసిన ఫోటో ఒకటి వైరల్ గా మారింది.
‘‘డౌన్ నాటౌట్’’ అనే క్యాప్షన్ తో సామ్ తన ఇన్ స్టాగ్రామ్ ఖాతాలో పెట్టిన పోస్ట్ వైరల్ అయింది. సోఫాలో పిల్లో వెనుక తలపెట్టుకుని ఉన్న ఫోటోను సామ్ షేర్ చేసింది. అయితే, కింద పడ్డానుగానీ అవుట్ కాలేదు అని అర్థం వచ్చేలా ఈ ఫోటోను సామ్ షేర్ చేసింది. ఎవరిపైనైనా సెటైరికల్ గా ఈ పోస్ట్ పెట్టిందా? లేక తనకున్న అనారోగ్యం చిన్నదేనని క్లారిటీ ఇచ్చిందా అన్నది తేలాల్సి ఉంది. మరోవైపు, అమెరికా నుంచి వచ్చిన సామ్ కోయంబత్తూర్ లో మెడిటేషన్ చేస్తున్నారని కూడా మరొక టాక్ వస్తుంది. ఏదేమైనా తన కెరీర్, వ్యక్తిగత జీవితానికి సంబంధించి పరోక్షంగా సమంత చేసిన పోస్ట్ సోషల్ మీడియాలో వైరల్ గా మారింది.
