సినీతారలు, సెలబ్రిటీలు, క్రీడాకారులు…వీరిపై గాసిప్స్ రావడం ఈ సోషల్ మీడియా జమానాలో సర్వ సాధారణం అయిపోయింది. ముఖ్యంగా సినీ తారలపై మీడియా, సోషల్ మీడియా ఫోకస్ ఎక్కువగా ఉండడంతో…వారి పర్సనల్ లైఫ్, రిలేషన్ షిప్స్, లవ్ స్టోరీల గురించి రకరకాల కథనాలు ప్రచారంలో ఉంటాయి. అయితే, వాటిలో కొన్ని నిజమైతే…మరికొన్ని పుకార్లుగా మిగిలిపోతుంటాయి.
ఈ కోవలోనే ‘ఉయ్యాల జంపాల’ ఫేమ్ అవికా గౌర్ గురించి కొంతకాలంగా ఓ పుకారు షికారు చేస్తోంది. అవికా తన సహ నటుడు మనీష్ రైసింఘన్‌తో డేటింగ్ చేస్తోందని, అంతేకాదు, ఆల్రెడీ ఓ బిడ్డకు తల్లికూడా అయిందని ప్రచారం జరుగుతోంది. ఈ నేపథ్యంలోనే తాజాగా అవికా గౌర్ ఆ పుకార్లపై క్లారిటీ ఇచ్చింది. మనీష్ తనకు మంచి స్నేహితుడని, తమ ఇద్దరిపై ఈ తరహా గాసిప్స్ రాయడం బాధించిందని చెప్పింది.
ఆ వార్తల్లో ఏ మాత్రం నిజం లేదని చెప్పిన అవికా..తాను హైదరాబాద్‌కు చెందిన మిలింద్ చంద్వాణీ అనే యువకుడితో రిలేషన్‌లో ఉన్నట్లు క్లారిటీ ఇచ్చింది. తాను గతంలో డిప్రెషన్ లో ఉన్నపుడు దాని నుంచి బయటపడేందుకు మిలింద్ నే కారణమని చెప్పుకొచ్చింది. మళ్లీ తను మామూలు మనిషిగా మారడానికి మిలింద్ కారణమని చెప్పింది. మిలింద్ తో రెండేళ్లుగా డేటింగ్ చేస్తున్నానని, మిలింద్ పాజిటివ్ ధోరణితోనే తనలో శారీరక, మానసిక మార్పులు వచ్చి సంతోషంగా ఉన్నానని చెప్పింది. తాను బరువు పెరగడానికి కూడా కారణమిదేనంటూ ఈ ‘చిన్నారి పెళ్లి కూతురు’ క్లారిటీ ఇచ్చింది.
