నేడు తమిళనాడు, కేరళ, పుదుచ్చేరి, పశ్చిమ బెంగాల్, అస్సాం రాష్ట్రాల్లో పోలింగ్ జరుగుతోన్న సంగతి తెలిసిందే. మిగతా రాష్ట్రాలతో పోలిస్తే బెంగాల్, తమిళనాడు ఎన్నికలపై సర్వత్రా ఆసక్తి ఏర్పడింది. తమిళనాడులోని 234 అసెంబ్లీ నియోజకవర్గాల్లో పోలింగ్ ప్రశాంతంగా కొనసాగుతోంది. ఇప్పటికే పలువురు సినీ ప్రముఖులు ఓటు హక్కును వినియోగించుకుంటున్నారు. తమిళ స్టార్ హీరోలు రజనీకాంత్, అజిత్, విజయ్ సహా పలువురు ఓటు వేశారు.
బీజేపీ కూటమికి ఓటేయవద్దని పరోక్షంగా విజయ్ మెసేజ్ ఇచ్చారని నెటిజన్లు అనుకుంటున్నారు. ఏది ఏమైనా…సర్కార్ సినిమాలో దొంగఓటు కోసం పోరాడి ప్రభుత్వాన్ని కూల్చిన విజయ్…రియల్ లైఫ్ లోనూ తన సైకిల్ సందేశంతో జనాలకు మెసేజ్ ఇస్తున్నారని సోషల్ మీడియాలో చర్చ జరుగుతోంది. అయితే, తన నివాసం నుంచి పోలింగ్ బూత్ దగ్గరని, అందుకే విజయ్ సైకిల్ పై వచ్చి ఓటేశారని విజయ్ మేనేజర్ చెబుతున్నారు.
