సీపీ సజ్జన్నార్ పిలిచి మరీ ఆ హీరోను సన్మానించారెందుకు?

రెండు తెలుగురాష్ట్రాల్లో బోలెండత మంది ఐపీఎస్ ఆఫీసర్లు ఉన్నప్పటికి సైబరాబాద్ సీపీగా వ్యవహరిస్తున్న సజ్జన్నార్ కాస్త భిన్నమని చెప్పాలి. కీలకమైన కేసుల విషయంలో ఆయన విచారించే తీరు.. కేసును టేకప్ చేసే విధానం ఒక ఎత్తు అయితే.. ఆయన పీఆర్ మరో ఎత్తుగా చెప్పాలి. పలు పనుల్ని చకచకా చేస్తూనే.. పలు కొత్త ప్రోగ్రాంలను ఎప్పటికప్పుడు షురూ చేస్తారు

సాధారణంగా ఎక్కడైనా.. ఎవరైనా ఒకరిని అభినందించాలంటే వారింటికి వెళ్లటమో.. ఎక్కడైనా సన్మాన కార్యక్రమాన్ని నిర్వహిస్తుంటారు. అందుకు భిన్నంగా తన కార్యాలయానికి ప్రముఖ టాలీవుడ్ హీరో నిఖిల్ ను తాజాగా పిలిపించినట్లుగా చెబుతున్నారు. దీనికి కారణం కోవిడ్ సమయంలో ఎలాంటి స్వార్థం లేకుండా.. పలు సేవా కార్యక్రమాల్ని నిర్వహించిన సంగతి తెలిసిందే.

నిజానికి కొవిడ్ టైంలో నిఖిల్ స్పందించిన తీరుతో పాటు..పలువురిని ఆదుకునేందుకు ఆయన చేసిన పనులకు భారీ ఎత్తున జరగటం.. దీని గురించి సమాచారం తెలుసుకున్న సీపీ సజ్జన్నార్ హీరో నిఖిల్ ను తన కార్యాలయానికి పిలిపించుకొని.. పుష్పగుచ్చంతో పాటు.. శాలువా కప్పి అభినందించారు. దీనికి సంబంధించిన ఒక వీడియోను నిఖిల్ షేర్ చేశారు.

‘కోవిడ్ సెకండ్ వేవ్ లో చేసిన ప్రతి పనిని గుర్తించి సీపీ సజ్జన్నార్ ఇలా సత్కరించటాన్ని గౌరవంగా భావిస్తున్నా’ అని నిఖిల్ ట్వీట్ చేశారు. ఇదంతా ఒక ఎత్తు అయితే.. టాలీవుడ్ లో ఇంతమంది సెలబ్రిటీలు ఉన్నప్పటికి అధికారులకు సాయం చేయటం.. కష్టంలో ఉన్న వారి కష్టాన్ని తీర్చేలా చేసిన నిఖిల్ దాన గుణం ఇప్పుడు హాట్ టాపిక్ గా మారింది. మొత్తానికి పడిన కష్టానికి.. నిజాయితీగా చేసిన దానికి తగ్గ ఫలితం తగ్గిందని చెప్పాలి.