టాలీవుడ్ లో అత్యంత వివాస్ప‌ద ద‌ర్శ‌కుడిగా పేరు తెచ్చుకున్న రామ్ గోపాల్ వ‌ర్మ పై ఇటీవ‌ల ఏపీలో ప‌లు కేసులు న‌మోదైన సంగ‌తి తెలిసిందే. సోషల్ మీడియా సైకోల‌కు కూటమి స‌ర్కార్ క‌ళ్లెం వేస్తోంది. వైసీపీ ప్ర‌భుత్వ హ‌యాంలో అవ‌మాన‌క‌ర, అస‌భ్య‌క‌ర పోస్టులతో హ‌ద్దుల దాటిని వారింద‌ర్నీ ఇప్పుడు ఊచ‌లు లెక్క‌పెట్టిస్తోంది. వైసీపీకి మ‌ద్ద‌తుగా ఆర్జీవీ సైతం కూటమి నేతలను టార్గెట్‌ చేసుకుని సోషల్ మీడియాలో తరచూ వివాదాస్పద వ్యాఖ్యలు చేసేవారు.
ముఖ్యంగా చంద్రబాబు, లోకేశ్, పవన్ కల్యాణ్ పై విరుచుకుప‌డేవారు. ఫ‌లితంగా ఆర్జీవీపై ప్రకాశం జిల్లా మద్దిపాడులో కేసు నమోదు అయింది. `వ్యూహం` సినిమా ప్రమోషన్స్ టైమ్ లో అప్పటి ప్రతిపక్ష నేత చంద్రబాబు, నారా లోకేశ్, బ్రాహ్మణిపై అనుచిత పోస్టులు పెట్టారంటూ ఆర్జీవీపై టీడీపీ నేత రామలింగం ప్రకాశం జిల్లా పోలీసులకు ఫిర్యాదు చేయ‌గా.. హైదరాబాద్ వెళ్లి మరీ ఏపీ పోలీసులు ఆయ‌న‌కు నోటీసులు ఇచ్చారు. ఆయ‌న అరెస్ట్ అయ్యే అవ‌కాశాలు కూడా ఉన్నాయని టాక్ న‌డుస్తోంది.
అయితే ఇలాంటి స‌మ‌యంలో ఆర్జీవీ నుంచి ఓ ఊహించ‌ని ట్వీట్ వ‌చ్చింది. ఒక‌ప్పుడు టీడీపీ, జ‌న‌సేన పార్టీ నాయ‌కుల‌ను ఇష్ట‌మొచ్చిన‌ట్లు విమ‌ర్శించిన ఆర్జీవీ.. తాజాగా టీడీపీ ఎమ్మెల్యే, టాలీవుడ్ సీనియ‌ర్ స్టార్ హీరో బాల‌కృష్ణ‌పై ప్ర‌శంస‌లు కురిపించారు. బాబీ డైరెక్ష‌న్ లో బాల‌కృష్ణ యాక్ట్ చేస్తున్న `డాకు మహారాజ్` టీజ‌ర్ రీసెంట్ గా విడుద‌లైన సంగ‌తి తెలిసిందే.
ఈ టీజ‌ర్ ను త‌న ఎక్స్ ఖాతాలో పోస్ట్ చేసిన ఆర్జీవీ.. `ఇది హాలీవుడ్ రేంజ్‌లో కనిపిస్తోంది. కేవలం విజువల్స్ పరంగానే కాదు.. ఎమోషన్స్‌లో కూడా ఎపిక్ గా ఉంది. బాలయ్య ఇంత క్లాస్‌లీ పవర్‌ఫుల్‌గా కనిపిస్తాడని ఎప్పుడూ అనుకోలేదు.. టీజ‌ర్ చూశాక డాకు మహారాజ్ ఈ సంక్రాంతి నుంచి వచ్చే సంక్రాంతి వరకు నడుస్తుంద‌ని అనిపిస్తుంది` అంటూ పొగ‌డ్త‌ల వ‌ర్షం కురిపించారు. బాలయ్య మూవీపై ఆర్జీవీ నుంచి ఇంత పాజిటివ్ గా ట్వీట్ రావ‌డంతో నెటిజ‌న్లు ఆశ్చ‌ర్య‌పోతున్నారు. ఇప్పటి వరకు కూటమి ప్రభుత్వానికి వ్యతిరేకంగా ఉన్న ఆర్జీవీ.. ఇప్పుడు అరెస్ట్ భ‌యంతోనే రూటు మార్చాడ‌ని చర్చించుకున్నారు.
Hey @dirbobby this is looking HOLLYWOOD 🔥🔥🔥 ..It’s EPIC not in just VISUALS , but also in EMOTIONS🙏🏻🙏🏻🙏🏻 ..Never thought BALAYYA can look so CLASSILY POWERFUL … Looks like it will run from THIS SANKRANTHRI to NEXT SANKRANTHRI 💐💐💐https://t.co/06iJ1HhwqK via @YouTube
— Ram Gopal Varma (@RGVzoomin) November 15, 2024
