దీపావళి రోజున స్థానిక సంస్థల ఎన్నికలకు నామినేషన్లు స్వీకరించడంపై టీడీపీ అధ్యక్షుడు, ఆంధ్రప్రదేశ్ మాజీ ముఖ్యమంత్రి ఎన్. చంద్రబాబు నాయుడు తీవ్ర అభ్యంతరం వ్యక్తంచేశారు.
గురువారం రాష్ట్ర ఎన్నికల సంఘం (ఎస్‌ఇసి) తీరు పై చంద్రబాబు మండిపడ్డారు. రాష్ట్ర ఎన్నికల సంఘం స్వతంత్ర నిర్ణయాలు తీసుకోవడం లేదని, వైఎస్సార్‌సీపీ ప్రభుత్వ ఆదేశాలను గుడ్డిగా అనుసరిస్తోందని ఆరోపించారు.
దేశంలో ఎక్కడా లేని విధంగా దీపావళి రోజు కూడా ఎన్నికల ప్రక్రియను ఎస్‌ఇసి కొనసాగించడం వెనుక హేతుబద్ధతను ఆయన ప్రశ్నించారు.
“ఇతరులందరూ పండుగ జరుపుకుంటున్నప్పుడు అభ్యర్థులను తమ నామినేషన్లను దాఖలు చేయమని ఎలా అడుగుతారు? ఇది అరాచకమైన ఆలోచన. హిందుత్వ వాదులను దెబ్బతీసే ఆలోచన ఇది అన్నారు.
మతపరమైన మనోభావాలను కూడా దెబ్బతీయడం ద్వారా శాడిస్ట్ ఆనందాన్ని పొందుతోందా ఈసీ? అని ప్రశ్నించారు.
దీపావళి రోజు ఎన్నికల నామినేషన్లు స్వీకరించారు. క్రిస్మస్ రోజున ఎన్నికలు నిర్వహించగలరా? ” అని ఆయన ప్రశ్నించారు.
గతంలో మాదిరిగానే 12 మున్సిపాలిటీలు, ఒక మున్సిపల్ కార్పొరేషన్‌కు జరుగుతున్న ఎన్నికలను ప్రహసనంగా మార్చేందుకు వైఎస్సార్‌సీపీ ప్రయత్నిస్తోందని టీడీపీ అధినేత చంద్రబాబు ఆరోపించారు.
అధికార పార్టీ నేతలు, పోలీసులు, అధికారులు నేరుగా బెదిరించి విపక్షాల అభ్యర్థులను నామినేషన్లు వేయవద్దని కోరుతున్నారు. కొన్ని సందర్భాల్లో నామినేషన్ పత్రాలు చించివేస్తున్నారని తెలిపారు.
వైఎస్‌ఆర్‌సీపీకి చెందిన గ్రామ ఉపాధ్యక్షుడు తన ప్రత్యర్థి అభ్యర్థిని నామినేషన్ దాఖలు చేయవద్దని నేరుగా ఎలా బెదిరిస్తున్నాడో వీడియోను ఈ సందర్భంగా చూపించారు.
“రాష్ట్ర స్థాయిలో ముఖ్యమంత్రి జగన్ మోహన్ రెడ్డి చట్టవిరుద్ధంగా ప్రవర్తిస్తుంటే ఆయన పార్టీ నేతలు ఎవరి స్థాయిలో వారు జగన్ అరాచకత్వాన్ని ఫాలో అయిపోతున్నారు.
అదుపులేని శాడిజం, నేరాలతో వైఎస్‌ఆర్‌సీపీ నేతలు ఆంధ్రప్రదేశ్‌ను ఉన్మాదుల రాష్ట్రంగా మార్చారు.
విపక్షాల అభ్యర్థులు తమ నామినేషన్లు చెల్లుబాటు అయ్యేలా గరిష్ఠ జాగ్రత్తలు తీసుకోవాలని నాయుడు హెచ్చరించారు.
అధికారులు వివిధ దశల్లో నామినేషన్లు చెల్లకుండా చేసేందుకు ప్రయత్నిస్తున్నందున అభ్యర్థులు న్యాయవాదుల సహాయం తీసుకుని నామినేషన్లు దాఖలు చేసిన తర్వాత సరైన రసీదులను పొందాలని, తమ నామినేషన్ల ప్రతులను జిల్లా కలెక్టర్లు, ఎస్‌ఈసీ, ఎన్నికలకు మెయిల్ చేయాలని సూచించారు.
పరిశీలకులు. ఎన్నికల అధికారులు ఏదైనా అవకతవకలకు పాల్పడితే, టీడీపీ కోర్టుకు వెళ్లి న్యాయం పొందడానికి సిద్ధంగా ఉంటమాన్నారు చంద్రబాబు.
ప్రజావ్యతిరేక శక్తులు, వైఎస్‌ఆర్‌సీపీ గూండాలు ప్రజాస్వామ్యాన్ని కాలరాసేలా చేసే పోరాటానికి సామాన్య ప్రజలు సహకరించాలని ఆయన అన్నారు. కుప్పం ఎన్నికలను ప్రస్తావిస్తూ.. ఎన్నికల్లో అవకతవకలు చేసేందుకే పుంగనూరు కమిషనర్ లోకేశ్వర్ వర్మను కుప్పం ప్రత్యేక అధికారిగా నియమించారని ఆరోపించారు.
వైసీపీ గెలుపు కోసం ఈ అధికారి ఎన్నికల్లో విధులు నిర్వహిస్తున్న ప్రభుత్వ సిబ్బంది అందరినీ ఆదేశించడం మొదలుపెట్టారు. వ
ర్మ నేరపూరితంగా ప్రవర్తించారని, పుంగనూరులోని మొత్తం 24 వార్డులను గతంలో వైఎస్సార్‌సీపీకి ఏకగ్రీవంగా ప్రకటించారని ఆరోపించారు.
వర్మ లాంటి కళంకిత అధికారిని కుప్పం ఎన్నికలకు ఎలా నియమిస్తారని నాయుడు ప్రశ్నించారు.
తమ ప్రభుత్వ ఘోర వైఫల్యాలను, పెరుగుతున్న ప్రజావ్యతిరేకతను కప్పిపుచ్చుకునేందుకు అన్ని ఎన్నికల్లో విజయం సాధించాలని వైఎస్సార్‌సీపీ నేతలు తహతహలాడుతున్నారు’’ అని చంద్రబాబు అన్నారు.
అధికారులు ‘తుగ్లక్’ పాలనకు మద్దతిస్తే వారి అంతానికి నాంది పలుకుతుందని టీడీపీ అధినేత హెచ్చరించారు. జగన్ రెడ్డి పాలనలో కుమ్మక్కైన అధికారులందరినీ విచారించి శిక్షించేందుకు టీడీపీ తప్పకుండా కమిషన్ వేస్తుందన్నారు. తమ ప్రభుత్వంపై అన్ని వర్గాల ప్రజలలో పెరుగుతున్న అసంతృప్తి మరియు ఆగ్రహాన్ని చూసి సిఎం మరియు ఆయన ఎమ్మెల్యేలు భయపడుతున్నారని కూడా చంద్రబాబు వ్యాఖ్యానించారు.
జగన్ కి తన పాలన బాగుంది, ప్రజల్లో తనకు ఆదరణ ఉందని నమ్మితే అసెంబ్లీని రద్దు చేసి ఎన్నికలకు వెళ్లాలని ఛాలెంజ్ చేశారు.
