టాలీవుడ్ నిర్మాత, నటుడు బండ్ల గణేష్ గురించి తెలుగు ప్రేక్షకులకు పరిచయం అక్కర్లేదు. నిత్యం తన వివాదాస్పద వ్యాఖ్యలతో వార్తల్లో బండ్ల గణేష్ నిలుస్తుంటారు. రాజకీయమైనా, సినిమా అయినా, సినీరంగ సమస్యలైనా…బండ్ల గణేష్ చేసిన వ్యాఖ్యలు చాలాసార్లు వివాదాలకు కేంద్ర బిందువుగా మారాయి. ఈ నేపథ్యంలోనే తాజాగా టాలీవుడ్ స్టార్ హీరో అల్లు అర్జున్ పై బండ్లన్న చేసిన కామెంట్లు కాంట్రవర్సీకి కారణమయ్యాయి.
ప్రముఖ నిర్మాత అల్లు అరవింద్ తనయుడు అల్లు బాబీతో కలిసి బండ్ల గణేష్ చేసిన ఒక వీడియో వైరల్ గా మారింది. తండ్రి మాట వింటే అల్లు అరవింద్ పెద్ద కొడుకు బాబీలాగా తయారవుతారని, తండ్రి మాట వినకపోతే ఐకాన్ స్టార్ అల్లు అర్జున్ లాగా తయారవుతారని బండ్ల గణేష్ చేసిన కామెంట్లు ఇప్పుడు సోషల్ మీడియాలో వైరల్ గా మారాయి. ఓ ప్రైవేట్ ఫంక్షన్లో పాల్గొన్న బండ్ల గణేష్….అల్లు బాబితో కలిసి ఫోటోలు దిగారు.
ఈ సందర్భంగా వారిద్దరినీ ఒక వ్యక్తి వీడియో తీస్తుండగా బండ్ల గణేష్ షాకింగ్ కామెంట్స్ చేశారు. తండ్రి మాట వింటే అల్లు బాబీలా అవుతారని, అదే తండ్రి మాట వినకుండా నచ్చినట్టుగా చేస్తే బన్నీలా స్టార్ హీరో అవుతారని బండ్ల చేసిన వ్యాఖ్యలు సంచలనం రేపుతున్నాయి. బండ్ల వ్యాఖ్యలపై పలువురు నెటిజన్లు మండిపడుతున్నారు. అంతేకాదు, బాబీ గారిలా అవ్వాలా బన్నీ గారిలా అవ్వాలా మీరే నిర్ణయించుకోండి అంటూ బండ్ల గణేష్ వ్యాఖ్యానించడంపై నెటిజన్లు ఫైర్ అవుతున్నారు.
అయితే, ఈ వ్యాఖ్యలు బండ్ల గణేష్ సరదాగా చేసినవే అన్న రీతిలో అల్లు బాబీ కూడా ఆ కామెంట్స్ పై నవ్వుకున్నారు. మరి, ఈ వ్యాఖ్యలపై అల్లు అరవింద్, బన్నీ ల స్పందన ఏ విధంగా ఉంటుంది అన్నది ఆసక్తికరంగా మారింది.
