నందమూరి బాలయ్య, నారా, టీడీపీ అభిమానులు ఎప్పుడెపుడా అని ఎదురు చూస్తున్న అన్ స్టాపబుల్ విత్ ఎన్బీకే సీజన్ 2 తొలి ఎపిసోడ్ నేడు స్ట్రీమ్ అయింది. ఈ ఎపిసోడ్ లో టీడీపీ అధినేత చంద్రబాబు, ఆయన తనయుడు నారా లోకేష్ లను నందమూరి బాలకృష్ణ హోస్ట్ చేయడం నెవర్ బిఫోర్ ఎవర్ ఆఫ్టర్ అన్న రీతిలో సాగింది. ‘ఇండియానా జోన్స్: రైడర్స్ ఆఫ్ ద లాస్ట్ ఆర్క్’ టైప్ లో ట్రెజర్ హంటర్ గెటప్ లో బైక్ పై బాలయ్య ఇచ్చిన ఎంట్రీ అదిరిపోయింది.
‘‘అంధకార అభయారణ్యంలో నిక్షిప్తమైన నిగూఢ నిధి..అక్కడెదురయ్యే సవాళ్లు అన్ ప్రిడిక్టబుల్..అయినా ఆగని మన పోరాటం …అన్ స్టాపబుల్… గెలుపే ఊపిరిగా…పట్టుదలే ప్రాణంగా..ఆశయమే గమ్యంగా పోరాడే యోధుడికి విజయం అన్ స్టాపబుల్..’’అంటూ బాలయ్య ఎంట్రీ కోసం రూపొందించిన మాంటేజ్ గూస్ బంప్స్ తెప్పించింది. ఒకసారి బరిలోకి దిగి డిసైడైతే..బ్రేకుల్లేని బుల్డోజర్ ని…తొక్కి పారదొబ్బుతా..అంటూ బాలయ్య చెప్పిన ఎంట్రీ డైలాగ్ బాలయ్య ఫ్యాన్స్ కు పూనకాలు తెప్పించింది.
బైక్ ఎంట్రీ తర్వాత ‘అఖండ’లోని “జై బాలయ్యా…” సాంగ్ కు స్టెప్పులేసిన బాలయ్య…షోను హుషారుగా మొదలెట్టారు. మీకు అన్నగారు..మాకు నాన్నగారు…75 ఏళ్లుగా నందమూరి కుటుంబం ప్రజా సేవలో, సినీరంగంలో ఉంది…మీ చిరునవ్వులో..చిరు ఆశలో మా చిరునామా చూసుకున్నాం…సదా నన్ను కోరుకునే మీ అభిమానం…టాక్ షోలకు అన్ స్టాపబుల్ ను అమ్మ మొగుడిని చేసింది…అంటూ బాలయ్య చెప్పిన డైలాగ్ బాలయ్య ఫ్యాన్స్ కు పూనకాలు తెప్పించింది.
దసరా పండుగనాడు చిత్రీకరించిన ఈ ఎపిసోడ్ లో నందమూరి ఇంటల్లుడు నారా చంద్రబాబు నాయుడిని బావమరిది బాలయ్య గిఫ్ట్ హ్యాంపర్ ఇచ్చి ఆహ్వానించారు. ఈ ఎపిసోడ్ కు మా బంధువును పిలుద్దామనుకున్నా..కానీ, ఆయన ప్రజలందరి బంధువు..మీకు బాబు గారు..నాకు బావ గారు…అంటూ చంద్రబాబును బాలయ్య ఆహ్వానించడంతో ఆడిటోరియం కేరింతలు, కేకలతో దద్దరిల్లిపోయింది.
