నందమూరి నటసింహం బాలకృష్ణ, మాస్ డైరెక్టర్ బోయపాటి శ్రీనుల కాంబినేషన్ లో తెరకెక్కుతోన్న ‘అఖండ’ చిత్రంపై టాలీవుడ్ లో భారీ అంచనాలున్న సంగతి తెలిసిందే. సింహా, లెజెండ్ వంటి బ్లాక్ బస్టర్ చిత్రాల తర్వాత వారి కాంబోలో రాబోతోన్న ఈ చిత్రం కోసం బాలయ్య అభిమానులు ఎంతో ఆసక్తిగా ఎదురుచూస్తున్నారు.
ఉగాది సందర్భంగా విడుదలైన ఈ చిత్రంలోని బాలయ్య అఖండ లుక్ కు సంబంధించిన టీజర్ కు విపరీతమైన స్పందన వచ్చింది. ప్రస్తుతం ‘అఖండ’ టీజర్ సోషల్ మీడియాలో ఓ రేంజ్‌లో ట్రెండ్ అవుతోంది. యూట్యూబ్‌లో ‘అఖండ’ టీజర్ విడుదలైన 24 గంటల్లోనే 12 మిలియన్ల వ్యూస్‌ తో వైరల్ అయింది. ట్విటర్ లో ఈ టీజర్ నెంబర్ వన్ స్థానంలో ట్రెండ్ అవుతూ దుమ్ముదులుపుతోంది. ఈ టీజర్‌లో బాలకృష్ణ లుక్.. బ్యాగ్రౌండ్ స్కోర్.. బాలయ్య చెప్పిన పవర్ ఫుల్ డైలాగ్‌లు విజువల్స్…బాలయ్య ఫ్యాన్స్ కు పూనకాలు తెప్పిస్తున్నాయి. ట్విటర్లో #RecordbreakingAkhandaRoar ట్రెండ్ అవుతోంది.
అఖండ చిత్రంలో బాలయ్య సరసన ప్రగ్యా జైస్వాల్ హీరోయిన్‌గా నటిస్తోంది. ఈ అఖండ సినిమా బాలయ్య కెరీర్ లోనే హైయెస్ట్ గ్రాసర్ గా నిలుస్తుందని ట్రేడ్ వర్గాల అంచనా. మే 28న ఈ చిత్రాన్ని విడుదల చేసేందుకు సన్నాహాలు చేస్తున్నారు. ఈ సినిమా తర్వాత బాలయ్య బాబు మైత్రీ మూవీ మేకర్స్ నిర్మాణంలో క్రాక్ డైరక్టర్ గోపీచంద్ దర్శకత్వంలో ఓ సినిమా చేయనున్నాడు.
