నందమూరి నటసింహం బాలకృష్ణ తొలిసారిగా హోస్ట్ గా వ్యవహరించిన టాక్ షో ‘అన్ స్టాపబుల్ విత్ ఎన్బీకే’ తెలుగు ఓటీటీ ‘ఆహా’ కు కొత్త జోష్ ఇచ్చిన సంగతి తెలిసిందే. మాస్ కా బాప్ బాలయ్య వ్యాఖ్యాతగా ఉన్న ఈ షో బాప్ ఆఫ్ ఆల్ టాక్ షోస్ గా దూసుకుపోతోంది. ఈ షోలో తన నటనతో, ప్రశ్నలతో బాలయ్య తోటి తారలను ఇంటర్వ్యూ చేసే విధానం ప్రేక్షకులను కట్టిపడేసింది. ఈ క్రమంలోనే బాలయ్య టాక్ షో IMDBలోని టాప్ 10 రియాలిటీ టీవీ షోల జాబితాలో గతంలో 5వ స్థానం దక్కింది. ఒక తెలుగు టాక్ షోకు ఇటువంటి అరదైన గౌరవం దక్కడం బహుశా ఇదే తొలిసారి.
ఈ క్రమంలోనే ఇటీవల ముగిసిన రెండో సీజన్ కూడా గ్రాండ్ సక్సెస్ అయిన సంగతి తెలిసిందే. ఈ నేపథ్యంలోనే తాజాగా బాలకృష్ణ ఓ వెబ్ సిరీస్ లో నటించబోతున్నట్టుగా తెలుస్తోంది. బాలయ్య బాబును తొలిసారిగా ఓటీటీ ప్లాట్ ఫారంకు పరిచయం చేసిన ఆహా ఈ వెబ్ సిరీస్ ను రూపొందించబోతున్నట్టుగా తెలుస్తోంది. ప్రముఖ నిర్మాత అల్లు అర్జున్ ప్రయత్నాలు మొదలుపెట్టినట్టుగా ప్రచారం జరుగుతుంది.
ఈ వెబ్ సిరీస్ లో బాలయ్య బాబు కూడా నటించేలా ఆయనను అల్లు అరవింద్ కన్విన్స్ చేసినట్లు తెలుస్తోంది. ఇక, అనిల్ రావిపూడి దర్శకత్వంలో బాలకృష్ణ చేస్తున్న సినిమా పూర్తి అయిన తర్వాత పొలిటికల్ బ్యాక్ గ్రౌండ్ లో మరో సినిమా చేసే ఛాన్స్ ఉందని తెలుస్తోంది. ఆ తర్వాత ఈ వెబ్ సిరీస్ మొదలయ్యే చాన్స్ ఉంది. ఇప్పటికే, విక్టరీ వెంకటేష్ రానా నాయుడు వెబ్ సిరీస్ తో ప్రేక్షకులను పలకరించబోతున్నారు.
