‘మా’ ఎన్నికలు ఎంతటి హాట్ హాట్ గా మారాయో తెలిసిందే. గతంలో ఎప్పుడూ లేనంత ఉద్రిక్త వాతావరణానికి కేరాఫ్ అడ్రస్ గా మారిన ఈ ఎన్నికలకు సంబంధించి తాజాగా వెలుగుచూస్తున్న వీడియోలు మరింత వేడిని పెంచేలా ఉండటం గమనార్హం.
ఎన్నికల్లో కీలకమైన పోలింగ్ జరగటానికి కొన్ని గంటల ముందు విష్ణు టీంకు సపోర్టు చేసే నరేశ్.. ఒక వీడియోను విడుదల చేయటం.. అదే తన చివరి వీడియోగా పేర్కొంటూ సంచలన ఆరోపణలు చేయటం తెలిసిందే.
ఈ వీడియోకు కౌంటర్ అన్న రీతిలో నటుడు కమ్ ప్రకాశ్ రాజ్ ప్యానల్ తరఫున ఎగ్జిక్యూటివ్ వైస్ ప్రెసిడెంట్ గా పోటీ చేస్తున్న హీరో శ్రీకాంత్ రియాక్టు అయ్యారు.
డబ్బులు పంచుతున్నామని.. ఒక్కో ఓటుకు రూ.15వేల నుంచి రూ.25 వేల వరకు ఇస్తున్నట్లుగా చేసిన ఆరోపణల్ని తీవ్రంగా ఖండించారు. వాళ్లే డబ్బులు ఇవ్వటానికి మనుషుల్ని పెట్టి.. ప్రకాశ్ రాజ్ ఇదంతా చేస్తున్నారని చెప్పేందుకు ప్లాన్ చేశారని.. సభ్యులంతా ఈ విషయాల్ని గమనించాలన్నారు.
ఇలాంటి బుద్ధి తక్కువ పనులు చేయాల్సిన అవసరం తమకు లేదన్న ఆయన.. అమ్మవారి మీద ఒట్టేసి చెబుతున్నా.. ఇలా చేస్తే నాశనమైపోతాం.. ఇప్పటికైనా నరేశ్.. ఇలాంటి ఆరోపణల్ని ఇక్కడితో ఆపేయాలంటూ సీరియస్ అయ్యారు.
తాజాగా విడుదల చేసిన వీడియో క్లిప్ లో శ్రీకాంత్ ఏమన్నారంటే..
‘‘ఇప్పుడే నరేష్‌గారి వీడియో చూశా. నరేష్ గారూ.. ఎందుకండీ ఇంకా అబద్దాలు ఆడతారు. మేము డబ్బులు పంచుతున్నామా? మూడు మూడు సెంటర్లలో డబ్బులు పంచుతున్నామా? మీరు డబ్బులు వేరే వాళ్లతో పంపించి.. ప్రకాశ్ రాజ్ డబ్బులు ఇస్తాడు అని చెప్పదలుచుకున్నారా? ఆపేయండి సార్.. ఇక్కడితో ఆపేయండి. ఇంకా ఎక్స్‌ట్రాలు ఏమీ మాట్లాడవద్దు.
దయచేసి మెంబర్స్ అందరికీ ఒక్కటే చెబుతున్నాను. నరేష్ గారు ఈ రోజు ఎంత తప్పుడు మాట మాట్లాడుతున్నాడంటే.. వాళ్లు చేసే పని మా మీద రుద్దడానికి ట్రై చేస్తున్నాడు’’ అని మండిపడ్డారు.
‘
‘దయచేసి.. మెంబర్స్ అందరూ అర్థం చేసుకోండి. మా లైఫ్‌లో అటువంటి కల్చర్‌లెస్ పనులు చేయం. దసరా సందర్భంగా పూజలందుకుంటున్న అమ్మవారి మీద ఒట్టేసి చెబుతున్నాం. అలాంటి కల్చర్‌లెస్ పనులు మేము చేయం. ఏమైనా తేడా వస్తే.. ఆ అమ్మవారే మమ్మల్ని నాశనం చేస్తారు. మెంబర్స్‌కి ఒకటే చెబుతున్నాం. ఇటువంటివి నమ్మవద్దు. మేము మందు పార్టీలు ఇవ్వలేదు. డబ్బులు పంచలేదు.. ఏమనుకుంటున్నారు నరేష్ మీరు? మా మీద బురద జల్లాలని అనుకుంటున్నారా? ఇంకా మూవీ ఆర్టిస్ట్ అసోసియేషన్‌ని నాశనం చేయడానికే ఉన్నారా? మీరంతా. ఆలోచించుకోండి.. మైండ్ కొంచెం పెట్టండి. ఏం మాట్లాడుతున్నారు మీరు?’’ అంటూ శ్రీకాంత్ సీరియస్ అయ్యారు
‘‘రేపు ఎలక్షన్స్ అనగా ఈ రోజు డబ్బులు పంచుతున్నామని పెడతారా? డబ్బులు పంచింది మీరు. ఇంకా బురద జల్లాలని చూస్తున్నారా? లాస్ట్ టైమ్ ఇదే చేశారుగా. అసోషియేషన్ డబ్బులు మొత్తం పోయాయ్. మెంబర్స్‌ని నమ్మించాలని ఇలాంటి పనులు చేస్తున్నారా? అంటే దీనిని బట్టి నాకు అర్థమైంది ఏమిటంటే.. ఎవరి ద్వారానో మీరు డబ్బులు పంచేలా చేసి.. ఓ మాకు ప్రకాశ్ రాజ్ పంపించాడు అని చెప్పడానికా? మీరు చేసేది.
ముందస్తు రాజకీయమా ఇది? ప్లీజ్.. మెంబర్స్ అందరినీ ఒకటే కోరుకుంటున్నాను.. ఇటువంటి ప్రలోభాలకు లొంగవద్దని నేను ఎప్పుడో చెప్పాను. ఇటువంటివి చాలా జరుగుతాయి. దయచేసి అందరూ అర్థం చేసుకోండి’’ అని పేర్కొన్నారు. పోటాపోటీగా సాగుతున్న ఆరోపణలు.. ఘాటు కౌంటర్ల నేపథ్యంలో తుది ఫలితం ఎలా ఉంటుందన్నది ఇప్పుడు ప్రశ్నగా మారిందని చెప్పక తప్పదు.
Actor #Srikanth counter to #Naresh regarding distribution of money for Votes #MAAElections pic.twitter.com/J4BZOtfQYY
— OverSeasRights.Com (@Overseasrights) October 9, 2021
Srikanth reaction pic.twitter.com/U8YHqZRtOJ
— Serendipity ❤ (@PoornaPradeep4) October 5, 2021
