టాలీవుడ్ లో మాస్ డైరెక్టర్ బోయపాటి శ్రీను…మాస్ కా బాప్, నందమూరి నటసింహం బాలకృష్ణల కాంబోలో వచ్చిన `సింహా`, `లెజెండ్`, అఖండ సినిమాలు బాక్సాఫీస్ రికార్డులు బద్దలుకొట్టిన సంగతి తెలిసిందే. ముఖ్యంగా కోవిడ్ తర్వాత థియేటర్లకు రావడానికి భయపడుతున్న ప్రేక్షకులను రప్పించిన ఘనత బాలయ్యదే. అఘోరా లుక్ లో బాలయ్య బాబు చెప్పిన డైలాగులు ఫ్యాన్స్ కు పూనకాలు తెప్పించాయి. ఈ క్రమంలోనే బోయపాటి, బాలయ్యల కాంబోలో బీబీ4 ఎప్పుడు విడుదలవుతుందో అని ఫ్యాన్స్ ఆసక్తిగా ఎదురు చూస్తున్నారు. ఈ క్రమంలోనే తాజాగా అఖండ-2 చిత్రం సెట్స్ పైకి వెళ్లింది.
ఈ చిత్రం ముహూర్తం షాట్ కు క్లాప్ ను బాలయ్య పెద్ద కూతురు నారా బ్రాహ్మణి కొట్టారు. ఈ కార్యక్రమంలో బాలయ్య బాబు చిన్నకూతురు తేజస్విని కూడా పాల్గొన్నారు. ఈ సందర్భంగా ఈ సినిమా నుంచి బాలయ్య ఓ డైలాగ్ చెప్పి అదరగొట్టారు. ‘‘ఉగ్రఅసురులు ఊరిమీదపడితే చూస్తూ ఊరుకోవడానికి ఈ నేల అసురుడిది కాదురా…ఈశ్వరుడిది…పరమేశ్వరుడిది…కాదని దాన్ని తాకితే జరిగేది తాండవం..అఖండ తాండవం…’’ అంటూ బాలయ్య చెప్పిన డైలాగ్ వైరల్ అయింది. ఈ ముహూర్తం షాట్ కార్యక్రమంలో అఖండ-2 లో హీరోయిన్ గా నటిస్తున్న ప్రగ్యా జైస్వాల్ తో పాటు దర్శకుడు బోయపాటి శీను తదితరులు పాల్గొన్నారు.
