ప్ర‌ధాని మోదీ పై బాలీవుడ్ హీరోయిన్ డామినేష‌న్‌.. ఇదెక్క‌డి క్రేజ్ రా..?

భార‌త్ కు వ‌రుస‌గా మూడోసారి ప్ర‌ధాని అయిన న‌రేంద్ర మోదీ పాపుల‌రిటీ గురించి ప్ర‌త్యేకంగా చెప్ప‌క్క‌ర్లేదు. నేషనల్ వైడ్ గానే కాకుండా ఇంటర్నేషనల్ వైట్ గా మోదీకి అభిమానులు ఉన్నారు. ఇక సోషల్ మీడియాలో మోదీ ఫాలోవర్స్ సంఖ్య ప్రత్యేకంగా చెప్పక్కర్లేదు. కొన్ని కోట్లమంది ప్రజలు ఇన్‌స్టాగ్రామ్, ట్విట్టర్ తదితర సోషల్ మీడియా అకౌంట్స్ లో మోదీని ఫాలో అవుతున్నారు.

అయితే తాజాగా ఇన్‌స్టాగ్రామ్ ఫాలోవర్స్ విషయంలో బాలీవుడ్ హీరోయిన్ శ్రద్ధా కపూర్ ఏకంగా ప్రధాని మోదీని డామినేట్ చేసి ఇప్పుడు వార్తల్లో హాట్ టాపిక్ గా మారింది. ఇండియా వైడ్ గా సినీ, రాజకీయ ప్రముఖుల్లో అత్యధిక ఇన్‌స్టాగ్రామ్ ఫాలోవర్స్ కలిగిన వ్యక్తుల్లో ప్రముఖ క్రికెటర్ విరాట్ కోహ్లీ అగ్ర స్థానంలో ఉన్నాడు. కోహ్లీకి ఇన్‌స్టాలో 270 మిలియన్లకు పైగా ఫాలోవర్స్ ఉన్నారు. అతని తర్వాత 91.8 మిలియ‌న్ల ఫాలోవ‌ర్స్ ప్రియాంక చోప్రా రెండో స్థానంలో ఉంటే.. 91.3 మిలియ‌న్ల ఫాలోవ‌ర్స్ తో న‌రేంద్ర మోదీ మూడు స్థానాలో ఉన్నారు.

అయితే ఇప్పుడు ప్రధాని ప్లేస్ ను శ్రద్దా కపూర్ కబ్జా చేసింది. ఇటీవల విడుద‌లైన స్త్రీ 2 మూవీ బిగ్గెస్ట్ బ్లాక్ బస్టర్ కొట్టడం, గత కొన్ని నెలలుగా విజయం కోసం ముఖం వాచిపోయేలా ఎదురు చూస్తోన్న బాలీవుడ్ ఇండస్ట్రీకి శ్రద్దా కపూర్ ఊపిరిపోయ‌డంతో.. ఆమె ఫాలోవర్స్ అమాంతం పెరిగారు. ఇన్‌స్టాలో ఇప్పుడు శ్ర‌ద్ధా క‌పూర్ ఫాలోవ‌ర్స్ సంఖ్య 91.4కి చేర‌డంతో అత్యధిక ఇన్‌స్టాగ్రామ్ ఫాలోవర్స్ కలిగిన వ్యక్తుల్లో ఆమె మూడో స్థానంలో నిలిచింది. మోదీ నాలుగో స్థానంలోకి వ‌చ్చారు. దీంతో శ్ర‌ద్ధా క‌పూర్ క్రేజ్ కు నెటిజ‌న్లు ఆశ్చ‌ర్య‌పోతున్నారు. కాగా, ఇన్‌స్టాలో కొంచెం తక్కువ మంది ఫాలోయర్లు ఉన్నప్పటికీ ఎక్స్ (ట్విట్టర్‌)లో మాత్రం 101.2 మిలియన్ల ఫాలోయర్లతో మోదీ అగ్ర స్థానంలో కొనసాగుతున్నారు.