అపర కుబేరుడు ముఖేష్ అంబానీ ఇంట పెళ్లి వేడుకలు ముగిశాయి. జూలై 12న ఆయ‌న కుమారుడు అనంత్ అంబానీ త‌న ప్రియ‌స‌ఖి రాధికా మర్చంట్ తో వైవాహిక బంధం లోకి అడుగుపెట్టారు. వీరి వివాహ వేడుకలు యావత్ ప్రపంచ సృష్టిని ఆకర్షించాయి. ఇదే తరుణంలో అంబానీస్ యొక్క లగ్జరీ లైఫ్ స్టైల్, వారు ధరించే ఖరీదైన దుస్తులు, ఆభరణాలు, నిత్యవసర వస్తువులు, ముంబైలో వేల కోట్లు ఖరీదు చేసే యాంటిలియా భవనం తదితర అంశాల గురించి తెలుసుకుని సామాన్యులు ఎంతో వింతంగా చెప్పుకొచ్చారు.
ఇక అంబానీ ఫ్యామిలీ మెంబర్స్ వాడే కార్ల గురించి ప్రత్యేకంగా చెప్పక్కర్లేదు. ఒకటా రెండా వందల కార్లు అంబానీ ఇంట సేద తీరుతున్నాయి. అయితే మనుషులకే కాదు అంబానీ పెంపుడు కుక్కకు కూడా ఒక లగ్జరీ కారు ఉందన్న విషయం మీకు తెలుసా..? వినడానికి విడ్డూరంగా ఉన్న ఇది నిజం. అనంత్ అంబానీకి గోల్డెన్ రిట్రీవర్ బ్రీడ్ కు చెందిన `హ్యాపీ` అనే ప్రియమైన పెంపుడు శున‌కం ఉంది.
అంబానీ ఫ్యామిలీ త‌మ పెట్ డాగ్ హ్యాపీ కోసం ప్రత్యేకంగా మెర్సిడెస్-బెంజ్ G400d లగ్జరీ SUV కారును కొనుగోలు చేశారు. ఆ కారులోనే హ్యాపీ ప్రయాణిస్తుంది. భారతదేశంలో ఈ కారు ధర రూ.2.55 నుంచి 3 కోట్లు ఉంటుంద‌ని ప‌లు నివేదిక‌లు చెబుతున్నాయి. మూడు కోట్లు ఖరీదు చేసే కారులో అంబానీ కుక్క ప్ర‌యాణిస్తుందంటే అది ఎంత అదృష్ట‌వంతురాలో మ‌నం అర్థం చేసుకోవచ్చు. కాగా, ఇటీవల అనంత్ అంబానీ మరియు రాధిక మర్చంట్‌ల వివాహ వేడుకలో హ్యాపీ స్పెష‌ల్ ఎట్రాక్ష‌న్ గా నిలిచింది.
