క‌మెడియ‌న్ క‌మ్ హీరో ప్రియ‌ద‌ర్శి, న‌భా న‌టేష్ జంట‌గా న‌టించిన లేటెస్ట్ మూవీ `డార్లింగ్`. యూనిక్ పాయింట్ తో రొమాంటిక్ కామెడీ ఎంట‌ర్టైన‌ర్ గా రూపుదిద్దుకున్న ఈ చిత్రానికి అశ్విన్ రామ్ ద‌ర్శ‌క‌త్వం వ‌హించాడు. హనుమాన్ వంటి పాన్ ఇండియా హిట్ అనంత‌రం ప్రైమ్‌షో ఎంటర్‌టైన్‌మెంట్ బ్యాన‌ర్ పై నిరంజన్‌ రెడ్డి, చైతన్య రెడ్డి నిర్మించిన డార్లింగ్ మూవీ జులై 19న థియేట‌ర్స్ లో సంద‌డి చేయ‌బోతోంది.
ఇప్ప‌టికే బ‌య‌ట‌కు వ‌చ్చిన టీజ‌ర్‌, ట్రైల‌ర్లు సినిమాపై మంచి అంచ‌నాల‌ను క్రియేట్ చేశాయి. ప్ర‌మోష‌న్స్ ద్వారా మేక‌ర్స్ మ‌రింత హైప్ క్రియేట్ చేయ‌డంలో రిలీజ్ కు ముందే డార్లింగ్ లాభాల బాట ప‌ట్టింది. డార్లింగ్ చిత్రాన్ని ఎక్కడా కాంప్రమైజ్‌ కాకుండా ప్రొడ్యూస‌ర్స్ నిరంజన్‌ రెడ్డి, చైతన్య రెడ్డి రూ. 10 కోట్ల బ‌డ్జెట్ తో నిర్మించారు.
అయితే వ‌ర‌ల్డ్ వైడ్ గా డార్లింగ్ కు థియేట్రిక‌ల్ బిజినెస్ రూ. 7 కోట్ల వ‌ర‌కు జ‌రిగింది. అలాగే మ‌రోవైపు ఓటీటీ, శాటిలైట్ వంటి నాన్ థియేట్రిక‌ల్ రైట్స్ రూపంతో రూ. 8 కోట్లు వ‌చ్చేశాయి. బ‌డ్జెట్ పోగా విడుద‌లకు ముందే డార్లింగ్ సినిమా ద్వారా నిర్మాత‌లు రూ. 5 కోట్ల రేంజ్ లో లాభాలు అందుకున్నారు. ఇక రిలీజ్ త‌ర్వాత డార్లింగ్ ఎలాంటి టాక్ అందుకుంటుంది..? ఏ రేంజ్ వ‌సూళ్లు రాబ‌డుతుంది..? అన్న‌ది చూడాల్సి ఉంది.
కాగా, హీరోయిన్ న‌భా న‌టేష్ దాదాపు రెండేళ్ల త‌ర్వాత డార్లింగ్ తో సిల్వ‌ర్ స్క్రీన్ పై రీఎంట్రీ ఇస్తుంది. ఇందులో ఆమె స్ప్లిట్‌ పర్సనాలిటీ ఉన్న అమ్మాయిగా న‌టించింది. ఆమెకు భ‌ర్త‌గా ప్రియ‌ద‌ర్శి అల‌రించ‌బోతున్నాడు. కావాల్సినంత వినోదం, ఎమోషనల్‌ ఫ్యామిలీ డ్రామాతో మ‌రికొన్ని గంట‌ల్లో డార్లింగ్ ప్రేక్ష‌కుల ముందుకు రాబోతోంది.
