రూ.600 కోట్ల వ్యయంతో నిర్మాణమైన పాన్ ఇండియా సినిమా కల్కి అపూర్వ విజయం సాధించింది. బాహుబలితో పాన్ ఇండియా స్టార్ గా ఎదిగిన ప్రభాస్ సలార్ మూవీతో నిలదొక్కుకుని కల్కీ మూవీ విజయంతో మరోసారి అందరినీ ఆకర్షిస్తున్నాడు. అయితే కల్కీ విజయం తర్వాత ఆ సినిమా నిర్మాణంలో పాలు పంచుకున్న ప్రతి ఒక్కరికీ సాయం చేయడంపై అభిమానులు హర్షం వ్యక్తం చేస్తున్నారు.
డైరెక్టర్ నాగ్ అశ్విన్ తెరకెక్కించిన కల్కి సినిమా జూన్ 27న విడుదలై ప్రపంచవ్యాప్తంగా బ్లాక్ బస్టర్ హిట్ టాక్ తెచ్చుకుంది. విడుదలైన రెండు వారాల్లోనే రూ.1000 కోట్లకు చేరులో ఉంది. ఈ సినిమాలో ప్రభాస్ నటన, నాగ్ అశ్విన్ దర్శకత్వంపై ప్రశంసలు కురిపిస్తున్నారు.
అయితే కల్కి సినిమాలో పాలు పంచుకున్న ప్రతి ఒక్కరి బ్యాంక్ అకౌంట్ నంబర్ తీసుకుని రూ.10 వేల చొప్పున సాయం చేశాడని సమాచారం. ఈ సినిమా క్యాస్టూమ్ మాస్టర్ గా పనిచేసిన మురళి తాజాగా ఈ విషయం బయటపెట్టడంతో సోషల్ మీడియాలో ఈ వార్త హల్ చల్ చేస్తుంది. ఇక షూటింగ్ జరిగినన్ని రోజులూ ప్రభాస్ అందరికీ తన ఇంటి నుండే భోజనం తెప్పించాడట. ప్రతి సినిమాలో ప్రభాస్ ఇలాగే చేస్తాడని తెలుస్తుంది. మొత్తానికి డార్లింగ్ గొప్ప హృదయంపై సోషల్ మీడియాలో అభినందనల వర్షం కురుస్తుంది.
