తెలుగు బుల్లితెరపై మెగా హిట్ అయిన సీరియల్స్ లో కార్తీక దీపం ముందు వరుసలో ఉంటుంది. ఈ సీరియల్ లో మోనిత అనే లేడీ విలన్ గా నటించి తెలుగు రాష్ట్రాల్లో భారీ పాపులారిటీ సంపాదించుకున్న కన్నడ నటి శోభా శెట్టి. కార్తీక దీపం సీరియల్ ద్వారా వచ్చిన క్రేజ్ తో శోభా శెట్టి బిగ్ బాస్ షో లో కంటెస్టెంట్ గా కూడా అడుగుపెట్టి సందడి చేసింది.
ప్రస్తుతం ఈ అమ్మడు ఓ ఇంటిది అయ్యేందుకు రెడీ అవుతుంది. తన కోస్టార్ యశ్వంత్ తో గత కొంతకాలం నుంచి ప్రేమలో ఉన్న శోభా శెట్టి.. ఇప్పుడు అతనితోనే ఏడడుగులు వేయబోతోంది. ఇటీవల గ్రాండ్ గా వీరు నిశ్చితార్థం చేసుకున్నారు. మరి కొద్ది రోజుల్లో వీరి వివాహ వేడుక జరగబోతోంది. పెళ్లి తర్వాత ఇద్దరూ కలిసి ఉండేందుకు హైదరాబాద్ లో ఓ ఫ్లాట్ ను కొనుగోలు చేశారు. ఎంగేజ్మెంట్ అనంత‌రం ఆ ఫ్లాట్ లోకి గృహప్రవేశం కూడా చేశారు.
అదంతా పక్కన పెడితే.. తాజాగా కాబోయే భర్త యశ్వంత్ కు శోభ శెట్టి ఓ కారును కానుకగా ఇచ్చింది. తాజాగా యశ్వంత్ తన పుట్టినరోజు జరుపుకున్నాడు. ఈ నేపథ్యంలోనే శోభా శెట్టి బీస్ట్ ఎక్స్ యూవీ 700 కారును కొనుగోలు చేసి యశ్వంత్ కు బహుమతిగా ఇచ్చింది. ఇందుకు సంబంధించిన ఫోటోలు ప్రస్తుతం సోషల్ మీడియాలో చ‌క్క‌ర్లు కొడుతున్నాయి. ఇక మార్కెట్లో శోభ శెట్టి కొనుగోలు చేసిన కారు ఖరీదు రూ. 15 లక్షల నుంచి 20 లక్షల మధ్య ఉన్నట్లు తెలుస్తోంది.
