ఇప్పటివరకు వచ్చిన భారతీయ సినిమాలన్నీ ఒక ఎత్తు అయితే.. ఈ శుక్రవారం ప్రపంచవ్యాప్తంగా విడుదల కాబోతున్న `కల్కి 2898 ఏడీ` మరొక ఎత్తు. నాగ్ అశ్విన్ దర్శకత్వంలో ప్రభాస్ హీరోగా తెర‌కెక్కిన సైన్స్ ఫిక్షన్ యాక్షన్ మూవీ ఇది. పురాణాల్లో పాత్రలు, ప్రాంతాలను తీసుకుని సాంకేతికత జోడించి సరికొత్త ప్రపంచాన్ని ఈ చిత్రంలో ఆవిష్కరించారు. కాశీ, కాంప్లెక్స్, శంబాలా అనే మూడు ప్రపంచాల మధ్య జరిగే సంఘర్షణ నేపథ్యంలో కల్కి మూవీ సాగుతుంది.
ప్రభాస్, అమితాబ్ బచ్చన్, కమల్ హాసన్, దీపికా పదుకొనే, దిశా పటాని, శోభన, రాజేంద్రప్రసాద్, మాళవిక నాయ‌ర్‌, పశుపతి తదితరులు ఈ చిత్రంలో కీలక పాత్రలు పోషించారు. ఈ మోస్ట్ అవైటెడ్ మూవీ జూన్ 17న వరల్డ్ వైడ్ గా గ్రాండ్ రిలీజ్ కాబోతోంది. ఇప్పటికే బయటకు వచ్చిన కల్కి మూవీ ఫస్ట్ ట్రైలర్ కు విశేషమైన స్పందన వచ్చింది. తాజాగా మేకర్స్ కల్కి రిలీజ్ ట్రైలర్ ను కూడా రిలీజ్ చేశారు. ఎంతో అద్భుతంగా ఉన్న ఈ ట్రైలర్ సినిమాపై అంచనాలను తార స్థాయికి తీసుకెళ్లింది.
ఇందులో భైరవగా ప్రభాస్, అశ్వద్ధామ గా అమితాబ్ నటించారు. వీరిద్దరి మధ్య వ‌చ్చే యాక్షన్ సీక్వెన్సెస్‌లు నెక్స్ట్ లెవెల్ లో ఉండబోతున్నాయని ట్రైలర్ లో స్పష్టం అయింది. సకల సౌకర్యాలు ఉండే కాంప్లెక్స్ కు వెళ్ళిపోవాలని ప్రయత్నించే భైరవ ఎవరు..? అశ్వద్ధామ- భైరవ మధ్య యుద్ధం జరగడానికి కారణం ఏంటి..? అసలు కథలో కల్కి ఎవరు..? వంటి ఎన్నో ప్రశ్నలు ఉత్పన్నమయ్యేలా ట్రైలర్ ను కట్ చేయ‌డంతో ప్రేక్ష‌కుల నుంచి మంచి రెస్పాన్స్ వ‌స్తోంది.
ఇక కల్కి రిలీజ్ ట్రైలర్ కు ఫిదా అయిపోయిన టాలీవుడ్ దర్శకుడు రామ్ గోపాల్ వర్మ.. తన ఎక్స్ అకౌంట్ ద్వారా ఒక పజిల్ ఇచ్చారు. కల్కి రిలీజ్ ట్రైలర్ పోస్ట్ చేస్తూ.. కొన్ని పదాలు ఇచ్చి మధ్యలో అక్షరాలను మిస్ చేశారు. వాటిని ఎవరైతే ముందుగా మరియు కరెక్ట్ గా ఫీల్ చేస్తారో వారికి రూ. లక్ష ప్రైస్ మనీ ఇస్తానంటూ ఆర్జీవీ బంపర్ ఆఫర్ ప్ర‌క‌టించారు. ప్రస్తుతం ఆర్జీవీ ట్వీట్ వైరల్ గా మారడంతో. నెటిజెన్లు, సినిమా ప్రియులు ఆయన ఇచ్చిన పజిల్ ను సాల్వ్ చేసి లక్ష కొట్టేయడానికి తెగ ప్రయత్నిస్తున్నారు.
🔥🔥🔥 Check out the M_____F___ing P_____ L___ing A___ B____ing Trailer of KALKI 2898 AD😘😘😘 .. I will give 1 lakh prize for whoever first fills the correct words in the blanks 💪💪💪 https://t.co/Moex5gZKnV
— Ram Gopal Varma (@RGVzoomin) June 21, 2024
